زوجي يفتن بيني وبين امه و اهله

السلام عليكم ورحمة الله
كيفكم خواتي عساكم بخير


اخواتي انا مشكلتي الازليه مع زوجي انه الله يهديه ما يكتم اسرارنا. كل شي يقوله لامه واي خلاف بيني وبينه يدق على امه او وحده من خواته او خالته او اهلي ويعلمهم.. واغلب المرات يكون هو اللي غلطان علي زي المثل اللي يقول ضربني وبكى وسبقني واشتكى..وسبق ونزلت موضوع هنا في هذا القسم بخصوص هالموضوع وما قصرتم معي هوتني علي كثير وحسيت ان في كثير زوجات يعانون نفس معاناتي


الحين يا اخواتي زياده على هالطبع زوجي صار يفتن بيني وبين امه وخواته. تخيلو! .
يحرف كلامي ويزيد وينقص في كلامي عشان يقلبهم علي ويهاوشوني
وقبل كم يوم تهاوشنا وهددني بأمه قال والله اعلم امي اخليها تلطمك!!
(للعلم امه جدا طيبه وخواته محترمات بس يصدقونه في بعض الاحيان واكثر من مره وقفوا معه ضدي وهالشي طبيعي بحكم انه ولدهم )
كيف اتصرف معه
انا قلت بطنش وبتعامل معهم عادي واذا سألوني ماراح اتناقش كثير معهم ولا ابرر كثير لان تعبت من كثر ما ابرر لنفسي وما استفيد شي .قلت خل اكون ساكته احسن يمكن يحسون ان ولدهم اللي غلطان مو انا