زوجي يفضل بنت اخو ه علي هذامو شي يقهر

يابنات حواء صديقتي طلبت مني ان اعرض مشكلتها مع زوجها وتبي منكم تساعدونها
متزوجه لها عشر سنوات من ابن عمها وقد تزوجها عن حب كبير لها وانجبت منه 3 اطفال
لاحظت عليه من سنه اوسنتين انه يهتم بمشاوير ابنة اخوه على مشاويرها يعني مره كان يلبس
بسرعه ويبي يطلع وكانت هي بتقول له يوديها لمحل فلما شافته مستعجل ظنت ان شغله طالبينه
فقالت له وين رايح قال لها عندي شغل وبالعاده اذا سألته مثل كذا هو يعرف انها تبي شي فيقول لها
ليه تسالين تبين شي وهاذي المره ماسأل بل كان واضح عليه انه مايبيها تدري وين بيروح
وطلع من عندها واثاري بنت اخوه طالبه منه يوديها لمحل مدري سوق المهم نسيت اقول لكم ان
بنت اخوه كبيره عمرها يمكن 25 او 26 سنه وابوها موجود وعندها اخوان شباب اكبر منها يعني
عندها اللي يوديها بس هي متسلطه على رجل صديقتي في كل مشاويرها وكانت صديقتي قد تناقشت
مع زوجها في هذاالموضوع كم مره وزعلت منه المره الاولى واعتذر قال اني ماكنت ادري انك تبيني اوديك مكان
والاكان خليتها ماوديتها ووديتك انتي ومشت الموضوع هاذي المره
ولكنه رجع وكررها مره ثانبه ففي يوم طلبت منه تروح مشوار وقال لها بعد شوي وقالت خلاص
وفجأه طلع من عندها بعدما كلمته بنت اخوه وراح يجيبها من السوق وطول عليها اخذ حوالي ساعة
وهي اصلا متدري وين رايح بس بعدين عيالها قالو لها انه راح يجيب فلانه فلما رجع لها وجلس
يتابع التلفزيون ولا كآنه سوى شي بكل برود وهي ماقالت له شي ولكن كان مبين عليها انها زعلانه
فقامت من عنده وهي حابسه دمعتها وذهبت لسريرها واستلقت عليه وبعد فتره ارسل لها احد
اطفالها يقول لها انه بيوديها للمحل فقالت انها خلاص ماتبي تروح
فذهب ابنها واخبره انها خلاص ماتبي تروح فجاء لها غضبان وضربها وامرها ان تذهب غصبا عنها
فذهبت بعد سحبه لها ومن يومها وهي متزاعله معه وهي بغرفه وهو بغرفه وهي تقول لاحد يقولي اروح
اراضيه او اعتذر منه لاني احس اني انجرحت منه لانه ضربني عشانها ومو عشان شي يخصني انا
وهو وهو مافكر انه يراضيها ولهم على هذا الحال شهرين وش الحل معاه