حبيبتي بقولك عن تجربتي انا اول سنين زواجي عانيت معاناة تخيلي مايبني البس كعب ولانقاب ولاطرحه مزكرشه ولا اروح اي مكان الا معه ملاهي ممنوع ماكان يسميها الا مكان الصايعين والمتبرجين السوق ممنوع الا معاه لموزينات وسواقيين ممنوع
صديقات ممنوع اروح انام عند اهلي ممنوع قسم بالله بغت تطلع روحي هذا غير التهزيء قدام امه وخواته وعلى فكره زوجي ماهووو ملتزم يعني شبابي لابعد درجه بس عنده سلطه عجيبه حتى على خواته بس الحمدلله خف مع السنين ومع العيال صار يتغاضى عن اشياء كثير يعني احمدي ربك انتي سالفتك هينه اقولك انا كنت اصيح صياح ماكان يرحمني يعني خواتي يدقون علي يقولون مجتمعين والا بنروح استراحه مافيه امل يقول سلمي ونطلع كرهني فشي اسمه زواج رغم انه ولد عمي وماخذته عن حب طبعا مو حب فري لا بس اقصد يعني عارفين اطباع بعض بس انصدمت بعد الزواج
خلاصة كلامي طنشي وصدقيني بيتغير مستحيل يصير كذا على طول

الله يعينك عليه ياقلبي


انا وزوجي كذا هواش ومطاقق ع اشياء تافهه

الله يعيننا لو بيدي حل كان قلتلك

ربي يفرج عليك يالغلآ

ولآتدققي وآجد وتغآظي هههه لآنك لو تدققي تبلشين بهم كلآم الخر مآيضر ودخليه من آذآن وطلعيه من آذآن ثآنيه

الله يكون بعونك ابو زوجك يدخل كثير الله يهدية

هم كذا الرجال يتزوج الواحد زوجته يبيها نسخت امه
اللي عندي نفس الحاله بس ربي حط نصيبه فيني
هو تصرفاته وتفكيره غرب وانا تصرفاتي وتفكيري شرق
بس نتفق بصعوبه وتكتيك مرات اعديها ومرات مستحيييل
بس تبين نصيحتي لا تخلينه يطغى على شخصيته ويخفيك ويلبسك على كيفه بس بسياسه وذكاء
مو بمقاومه
ولا تجيبين طاري اهله في شيئ فهميه ان لكل شخصيه تفكيرها الخاص واسلوبها واوصلي معاه لحل وسط يرضيك ويرضيه ويجمع بينكم حتى لو ما كان برضى تام من الطرفين
والله يعينك اما ابو زوجك مثلي عليه واخفي عنه الاشياء
بحيث يكون تدخله قليل
ولا تطولي عندهم
لا تتكلمي كثير
لا تلبسي شيئ ملفت
بحيث يصير ما يلاقي عليك مدخل
وحكايه انك مرت ضابط والخ
وش دخل ذي هو حريص على سمعه الرتبه والا حريص على سمعتكم والا انه بيقوم بالذمه معاكم