زوجي يفكر يأخذ مسيار

اههخ قلبي وقسم بالله مصدومه يابنات
اول ماجيته كان مطلق ومعه ولدين والله يابنات كأني طايحه عليه من السماء يشوفني ملاك بدون اخطاء وبدون عيوب وكل مره يقولي انتي عاقل انتي عقلك مختلف انا بحياتي ماشفت احد بهالعقليه ماشاءلله وانتي مقتصده وترحمين ونظيفه ووووو وعشنا الروتين وشلته وشلت عياله بعد بهذله هو وامه وطليقته جيت انا وريحته وكل تصرف اسويه يصير بعيونه واااو ومع الوقت صار خلاص عادي الوضع وروتين وجبت بنتي وفتره عن فتره صار يقولي انتي مهمله انتي بارده "عشاني اطلع لاهلي بجوء بارد مثلاً او ماصحى بالليل اشوف عليها بطانيه ولا لا يعني من هالمواقف وعقبه صار يقولي انتي مقصره معي بالفراش وهو شايف شلون عيشتنا عياله مع بنتي وهالفتره تسنن وبس تبكي ولا تنام وبعدها يقول انتي بارده ومطنشتني مع اني والله ماكنت كذا بس من بروده واسولف مرات مايرد ومشغول عالجوال ومره زل لسانه وقال ان ميزة طليقتي سااااكته لو نروح مشوار ٣ ساعات ماتفتح موضوع ف منها سكتت قلت يمكن انا اقرقر وازعجه وكل يوم طالع لي بسالفه يابنات ولنا سنه ماننام بغرفه وحده وعذرره البنت << هو باااااارررددد عاطفياً واللي يشوفه يحلف انه مايحبني من بروده بس وقت الشده احصله معي وصار معي ورم خاف علي اكثر من خوفي على نفسي ومره قلت له ماحس انك ترغبني او تحبني حلف بعياله وباغلى مايملك انه يحبني
المهم امس لما جاء ينزلني لاهلي قال كلام كثيرر وعتاب واخر شيء قال افكر اتزوج مسيار وانبسط
تدرون وش انقهرت عليه على الايام اللي احشر نفسي بالبيت عشان عياله وربي ماطلع لا لعزايم ولا مكان عشان احس يتضايق اني اخلي عياله وعلى الاحترام وعلى واجباتي وعلى اني اسافر مع عياله وبدون ماصرف ولا ريال بس عشان يرتاح ويحس اني زوجه مثاليه والله اني عاملته زي ماعاملت ابوي يابنات ارحمه واقدره ويمكن مره كتبت موضوع اني متأزمه بسالفة المصروف ومع ذلك ماعمري فتحت الموضوع معه
اللحين طفش من البيت ومن العيشه بس عشان انشغلت مع بنتي شوي وصارت تتعب كثر ولا تنام وجاها تشنج وعلى طول صحتها ماهي زينه
والمشكله يوم جاني قال انا ابي وحده ماتمشكلني وتمسك عيالي وتساعدني عليهم وهذا اللي وكزت عليه
امس طلع فيه كلام وطلعت مقصره وطلعت بس ساكته وطلعت زيي زي الحريم وكل عيب ركبني يابنات وانا احسبني وااااااووو بنظره
اههخ مجرد فضفضه بس 💔😓