زوجي يقارن بيني شعري وشعر طليقته

الأسرة والمجتمع

اشتريت لفافات للشعر لان شعري متوسط الخشونه يعني مدرج او مكسر
واتعبني الاستشوار بشعري ولان زوجي يحبه طويل فاانا طولته لاسفل ظهري
وقلت بدل الاستشوار كل شوي اللفافات تقلل من تكسيره وتخليه كيرلي بشكل اجمل
شافني زوجي وانا اجرب وحده على شعر بنتي قال ليش هذه اشتريتيه قلت لشعري قال
متى تحطينها قلت اذا انت برى البيت لانك تتريق علي اذا شفتها بشعري قال انتي تبغين
تلفينه فيها قلت ايوه قال مايكفي اللفلفه اللي هو فيها قلت خلقت ربي واحاول ارتب نفسي
قال والله ماانسى شعر ام فلانه يقصد طليقته كان على عيونها طايح وكان اجمل مافيها عمري ماانساه انتي تتذكرين شعرها لاني سبق وشفتها طنشته سكت شوي وقال ياليت شعرك مثلها بنات انا انخرست قمت شلت نفسي ورحت الغرفه الثانيه ماتكلمت وطلب عشاء سويت له من سكات والله والله بااموت قهر اقسم بالله احرقت طبقت راسي عشان اعجبه اقسم بالله الكل يمدح شعري لانه طويل وكثيف وفيه لمعه صدق مايزبط الا بالاستشوار ومن دون استشوار جدا كيرلي بس هذه خلقت الله انتظرته يعتذر يطيب خاطري ولا همه ولا كاني جنبه بااموت قهر وضيم جرحني بشكل ماتتخيلونه ابغى اقص شعري كرهته مو كرهته الا احس اني خجلانه منه لانه مو ناعم كسر نفسي والله استشوره واهتم بريحته وعمره مالمسه عمره ماحط يده على راسي حتى طلع الرجال قرفان من شعري لانه مو طايح على عيوني لا ويقولي كل ماانام جنبه ابعدي شعرك دخل فمي لميه ومن هالكلام
انتم اخواتي واسوني انا لي اكثر من اربع ساعات على السرير ماتحركت وجالس جنبي يشخر احسه شيطان كارهته لانه جرحني
تخيلي زوجك جالس يطالع لك وكل نظراته مقارنات بينك وبين طليقته شي يقهر ابغى افرغ اللي بصدري مو قادره نفسي ابكي ولا انام قلبي واجعني من الضيم اللي انا فيه
91
30K

يلزم عليك تسجيل الدخول أولًا لكتابة تعليق.

تسجيل دخول

بدارين
بدارين
كان قلتي ما يجوز تتكلم فيها خلاص غريبه عنك الله يستر عليها راحت بينها وشينها 
أم ولـــــدي
أم ولـــــدي
ماعنده ذوق قولي له اللي فقلبك ولا تقهرين فعمرك هو رمى كلام ومادور عاتبيه ع الاقل ان هالشي يضايقك وان فيك اشياء احسن منها مو لازم تكونين مثلها ...
الوحيدهـ*
الوحيدهـ*
زوجك جرحك وابليس شب النار بقلبك
لو فيه خير ما طلقها
احمدي الله واخمدي غيرك اصلع يتمنى الشعر
ثاني شيئ عاجبك ماعليك منه
ليش لها الدرجه انتي هشه وضعيفه ومن كلمه بسيطه تهشمتي
المفروض تطنشي هو عايش معك مو معاها
وهذي صفه جميله ذكرها
وش دراك لو غبتي عنه يمكن يذكرك بكلمه احلى
ثاني شيئ لا تكبرين هالمواضيع ترى الشيطان يفرح ويدخل منها
انبسطي وكملي اهتمامك بنفسك لانها نفسك ولانك كذا تحبينها
اعجبتيه اعجبتيه ما اعجبتيه يشرب من البحر
لاتصيري هشه وضعيفه
هذولا التماسيح يبي لهم تكيف مع طبيعتهم الجافه ماعليك عيشي حياتك
عيون لا تنام ..
عيون لا تنام ..
انتي هبلا على ايش مقهورة وحارقة قلبك ؟

كان قلتي له لكل وحده شي يميزها وانا عاجبني شعري

بعدين تحرقين راسك بالاستشوار بس عشان يعجبه !!!!

الوحده اي تتزين لزوجها بس مو لهدرجه تذبح عمرها عشان يعجبه ! هاد هو بالأخير ضل يقارن

لا تهتمي له ولو باقي قالها قولي انا عاجبني جدا والحمدلله اللي خلقني احسن خلقه

لا تكوني ضعيفه نام ولا درى عنك نامي وارتاحي وبكرة لفلفي شعرك وانبسطي بس

الله يعين على هالرجال
تاتي شوبينج888
تاتي شوبينج888
هه ياحليلك كلهم كذا حقين مقارنات حتى لو ماتكلمو
مو شرط مع طليقاتهم بس مع الفنانات والا الحريم الثانيات ال يعرفونهم حتى لو محارمهم