الله اكبر يهالحليب الي تخبيه عنك لايكون من ماء الذهب وش هالعقليات
شوفي حبيبتي طنشي خذي من هنا وطلعي من هنا انا عشت وضع قريب منك لكن الانتقاد مو من زوجي لا من اهله احيانا يقولون خليه وخليه لكن انا ارد بثقه واقول المهارات يتعلمها الطفل بالاكتساب مو شرط الاطفال سوا وصرت اطنشششششششششششششش وهذا طفلي بسم الله عليه الحين متميز عن اطفالهم بكثير ولا قارنت لانه مايهمني هالشي لاتضغطين على نفسك الامومه كفيله بتعليم الطفل بالفطره واذا تحبين ولدك يتميز حاولي تلعبين معه تسولفين تغنون سوى يعد يقارن وياحلوهم الصغار سريعين الاستجابه

الرجاجيل يقهرون اوي
ومير رجالتس الله يهديه اسلوبه عليه شوي نظر
وتبين صقيقات حياتس الله بيننا بالتجمع تعالي لقسم تربيه الاطفال وتلقيننا هناك فله ووناسه تبادل خخبرات والاكثر من تسذا خوات
تعالي هناك وناديني هع اجيتس وارحب بتس

قوة اختي..

انا مريت في نفس ظروفج ان لم تكن اسوأ و لا زلت.. بس انا و لله الحمد ما سكت ابدا و بما اني في دولة اجنبية ما خليت مختص ما رحت له.. و الحمدلله ولدي من اروع ما يمكن.. مو بسبب المختصين و غيرهم.. لااااا.. بس بسبب ثقته الكبيره بنفسه و اللي الكل ملاحظها.. و معظم المختصين يقولون انه لو انا كنت ضعيفة و استسلمت لرأي اللي حولي عن ولدي.. كان ولدي راح في خبر كان..

انا حملت في نفس فترة حمل وحدة من سلفاتي او بالاحرى زوجة ولد عم زوجي.. و عاد المقارنات اشتغلت من لما كنا حوامل.. بس الحمدلله انه كلهم على بعضهم ما قدروا يهزون شعرة مني.. و كنت على طول اذكر زوجي انه الاطفال غير عن بعض..

اخذي مني هالنصيحة اللي نصحني فيها كذا مختص.. شوفي حبيبتي.. انتي الام.. و الام هي بس اللي تعرف ولدها عددددل.. انتي الوحيدة في هالدنيا كلها اللي تقدرين تحددين مدى ذكاء ولدج من عدمه.. و انتي الوحيدة في هالكون اللي تعرفين نقاط ضعفه و قوته.. و الله اني من مشيت على هالنصيحة و انا مرتاااحة.. و ظليت ارددها على راس زوجي لحد ما اقتنع الحين انه حتى هو ابوه ما يعرفه كثري خخخخخخخخ

لا تسمحين لاي احد في الدنيا انه يهز ثقتج في قدرات ولدج.. و سبحان الله .. انه ربي حط في كل انسان شيء يميزه عن غيره.. و لا تقعدين تبررين و تفسرين او حتى تستفسرين من اي احد.. و لا اي ام ثانية... لان مثل ما قلت لج ما حد يعرف ولدج كثرج.. و حلو انه الواحد يسمع نصايح الغير.. و اللي عندهم خبره.. بس هااااااا... ابدا لا تجين و تطبقين اي شيء على ولدج من هالنصايح اذا تعرفين انه ولدج ما راح يستفيد منها...

للعلم انا ولدي عمره اربع سنين.. و متأخر واايد في الكلام.. للحين ما يتكلم عدل..بس كل حد يشوفه يموت فيه و يحبه.. و الكل يعلق على شخصيته القوية و ثقته الكبيرة بنفسه.. انا اعرف انه ولدي ما يتكلم عدل و ما يفهم نص كلامي.. بس احرص دايما اني اعزز ثقته في نفسه.. يعني لو يصدر منه اي تصرف حلو اقعد امدح فيه و ابالغ في مدحه.. و هو يفررررح و يحس انه يقدر يهد جبال.. اصلا من غير ما حد يقول لي... انا اشوف ثقة ولدي في نفسه.. وحدة من المختصات اللي عالجت ولدي.. اول شيء قالته من اول مرة شافت ولدي.. رغم انه ولدج متأخر وااايد في الكلام عن الاطفال اللي في عمره.. لكنه ما يخجل ابدا من التواصل مع الناس سواء الصغار او الكبار و يحاول انه يسولف معاهم.. و هو عارف انهم ما يفهمونه... يعني ولدج فاهم انه عنده مشكلة .. بس الحلو فيه انه متقبل هالمشكلة فيه و متعايش معاها و مو مسببتله اي احراج.. و هذا ان دل فانما يدل على ثقة عالية في النفس و شخصية قوية.. و اكيد البيت له دور كبير في هالشيء...

يعني رحتي و الا جيتي يا اختي.. تظلين انتي الاساس في كل شيء.. في تعزيز ثقته في نفسه و هم في ايمانج في قدراته و التركيز عليها..

انا مريت بظروف جدا صعبة مع ولدي.. بس ما عطيت فرصة لاي احد انه يكسرني او يكسره.. و اولهم زوجي.. و الحين حتى زوجي تغير واايد من قد ما يشوف الناس شلون تنهبل على شخصية ولدنا ما شاء الله تبارك الرحمن.. ما انكر انه طريقي مع ولدي طووووووووووووويل و يبي له شغل و صبر... بس في الوقت الحالي انا راضية تمام الرضى عن كل اللي وصلت له معاه... اهم شيء صكي اذونج عن كلام الناس السلبي... و عززي ثقتج في نفسج عشان تزرعين هالثقة في ولدج.. ترى و الله عيالنا يستشفون ضعفنا و قوتنا قدام الناس.. و على اساسها يتصرفون.. لو حسوا انه الام خايفة و متوترة يخافون و يتوترون.. و لو الام العكس قوية و واثقة.. غصب عن الكل بتحصلين الطفل واثق و قوي..

انا توني من فترة بسيطة اخت زوجي و زوجها قعدوا يتفلسفون على راس زوجي عن ولدي.. و رديت عليهم رد فشلهم بطريقة مؤدبة... بس سويت لهم محاضرة طووويلة و اخر شيء قمت انا اتفلسف على بنتهم خخخخخخ

المهم حبيبتي.. لا يهمج احد .. لا زوج و لا اخت زوج و لا غيرهم.. مثل ما قلت لج انتي الام... و الام هي الاساس و هي اللي تعرف قدرات ولدها اكثر من غيرها.. ركزي على قدرات ولدج و عززيها و ما راح تشوفين الا كل خير..

نقطة اخيرة حبيت اذكرها.. ولدي شعره مفلفل و اهل زوجي شعرهم ناعم.. و هم حاولوا يعقدون ولدي.. بس ظنشتهم و طولت شعره و طلع قمرررر... مثل اللي يطلعون في الدعايات.. لدرجة يوقفوني ناس ما اعرفهم في الشارع عشان يسألوني شنو استخدم له.. و انا بكل فخر اقول.. ابدا و لا شيء غير الماي و الشامبو... :) و ولدي يموت على شعره.. و كله يقول لي بلغته البسيطة.. ماما انا شعري حلو.. فديت قلبه.. :)

لو احتجتي اي شيء.. راسليني على الخاص لاني ما ارجع للمواضيع

موفقة

حبيبتي خديها نصيحه مني اي حاجه تتمنينها في ولدك ادعيله وشربيه زمزم بنيه اللي تبغيه والله مجربه لعيالي في اشياء كثيره وادا على زوجك طنشيه كل الرجال كدا تافهين

الله يعينك
حاولي تكلمين ولدك كثير وسولفي عليه دايم علشان يتكلم بسرعه