زوجي يقنعني ب......

بنات صديقتي البارح تكلمني وضايقه حييييل بنسخ لكم زبده كلامها تقول حياتنا انا وزوجي ما شاء الله حلوه يحبني واحبه نحترم بعض الحمدلله ولامره طلعت اسرارنا او مشاكلنا بره نحلها بينا وانا مو مقصره معاه بشي لا من ناحيه النظافه او الجمال او ترتيب ولاولاد وهو دايم يمدحني ويقولي كلام انه يحبني وما يقدر يستغني عني بس كل هذا كذب ف كذب لو كان يحبني صدق ما صارحني بهالكلام جا وكنا نسولف وسمن ع عسل فجاه قالي اريد اصارحك بحاجه وما اريدك تكوني متخلفه مثل باقي الحريم وسالني انتي متخلفه؟ انا نصدمت قلتله شو هالكلام شو شايفني وحده متخلفه قدامك ؟ قالي من كذا اقولك انا يا بنت الناس ما اريد اسوي شي من وراك ويهمني رضاك بس انا خاطري اتزوج 😳😳😳 انا انصدمت وقعدت اضحك ع بالي مقلب من هالمقالب الي اشوفهم باليوتيوب قلتله شو ؟؟؟؟ انت تمزح قعد يحلف بالقران انه ما يمزح انا وقتها قلتله ليش؟؟؟ شايف مني مثلا تقصير ؟؟ قالي لا بالعكس قلتله عيل ليش؟ قالي بس كذا خاطري اتزوج الثانيه ومخطط انه يسكنها بشقه ولما يبني بيت يسكنا مع بعض طبعا انا ما تحملت كلامه حسيت بقهر بقلبي بمجرد تخيل وقلتله انا انسانه الله خلقني ما اتحمل ولا يمكن اتحمل تكون لي شريكه وف هالحال راح اخليك وماعندي كلام ثاني ولا تحاول قالي شفتي طلعتي نفس الحريم متخلفه قلتله والله الحريم مو متخلفات اذا طلقوا او انفصلوا اذا تزوج زوجها بالعكس اهيا تحب زوجها وما تتحمل تشوف احد يشاركها فيه فتنسحب من حياته احسن من انها تجلس تقهر نفسها طول عمرها والحريم يختلفن في منهن ما شاء الله صبورات بس انا مو من هالنوع قالي والله شرع حللي وهذا حقي وانتي ف البدايه راح تغاري بس بعدين عادي واذا ما وافقتي بتم بداخلي وما راح اسامحك😳💔 كرهته كرهته كرهته من قلبي اكره احتقره مو قادره احط عيني بعينه من كرهي له ومن كلامه بكيت بحرقه بس مو قدامه لاني سويت نفسي قويه وقلتله تمام طلقني عشان ما تم بخاطرك وتزوج وقتها ٣ و ٤ ما يلي دخل فيك بموت ليش يجرحني بهالكلام ومسونها جلسه مصارحه وفوق ٣ ساعات والله العظيم قاعد يقنعني بششششششي يذذذبح القلب علميني شسوي ؟ مو قادره اتقبله ابدا وفوق هذا يسالني ليش متغيره ؟ والله اني اتهرب منه والهي نفسي عشان ما اواجهه ويرد نفس لموال ؟؟؟