راح ادخل في الموضوع على طول يابنات
جارتي رضعت ولدي مع ولدها
توفى ابو زوجها اثناء الاسبوع وهم في الطايف اهل زوجها
قال لي زوجي اش رايك نطلع لهم نعزيهم قلت اوكي خلاص نطلع ونعزي ونرجع البيت
المهم قالي باكلم رحيمي يدلني لاني مااعرف الطايف قلت اوكي وقال انتي خلي اختي تخاويك قلت مو لازم اذا على المخاواة باخذ امي الحرمة عزت امي يوم توفى جدي قال ليش تاخذينها مو لازم قلت له هذي امي هي اللي صدق بتخاويني مو اختك(قهرني على امي يوم قال كذا احسه مايحب امي دايم اذا باخذها اي مكان حتى السوق يقول فكينا )
والناس اختك ماتعرفهم وانا مو لازم اخذها هناك قلت اوكي انا اروح لوحدي مو شرط اختك قال الالازم قال كيف اكلم زوجها واتركها قلت مو شرط جيراننا بيرسلون لنا احد برسم الخدمة يدلوننا على الطريق قال لا ماباتعب الناس ليش اتعبهم انا هنا انقهرت الا اخذ اخته فقلت خلاص باكلمهم تليفون يكفي مو لازم اروح قال احسن
هو وده اتنازل انا واروح لاخته بس انا رفضت قلت له اللي يجيني اجيه لان هذي كلمته لي مرة ماكان لي نفس اروح عندهم فجلس يعايرني يقول لي هم اخر مرة جوك فقلت طيب انا اعلمك كيف امشي على نظام اللي يجيني اجيه بس مع هذا مانفذته ذيك التنفيذ بس اللحين انا نفذته بعد سالفة صارت تدرون وش هي سالفة ملكة بنت اخته كنت راح اجي انا واهلي سوا كل واحد في سيارته المهم رفض قال لا ليش سواها سالفة بنجي انا واختي سوا(طبعا هذي اصغر خواته )فعلا وصلنا سوا نزلت هي قبلي ودخلت سريع وقفلت باب الغرفة حقت العرس في وجهي وقفلوا بالمفتاح دقيت مارضوا يفتحون انحرجت قدام الناس تمنيت اني جيت مع اهلي ودقيت دقيت لين فتحت البابقالت روحي غرفة الضيوف فاضيهجنبنا هنا رحت الغرفة لقيتها غرفة الاكل والمويه والعبايات فكيت عبايتي وضبطت نفسي ودقيت الباب عليهم حتى فتحوا(قلت مثل ماعزموني يتحملوني )ودخل وحطيت اغراضي واغراض ولدي وسلمت وخرجت وجوا اهلي وجلست معاهم وانبسطت وضحكت وخرجنا سالني زوجي حكيت له السالفة انقهر قال ليش ماتخاصمتي معاهم قلت ماحلاني اتخاصم معاهم مفروض اني جيت مع اهلي شوف ثاني مرة لاتعارض من بعدها ماعاد جيتهم ولاهم دقوا علي او جو عندي الا قبل العرس باسبوع جت اخته بين المغرب والعشا حتى ماقالت نتشرف بحضورك قالت ان شالله نشوفك بس واخوها قالت اتمنى انك تحضر وانا اساسا حاطه في بالي ماني حاضرة لو ايش
زعلت وراحت تبكي عند امها لاننا ماحضرنا بعد العرس بيوم توفى جدي ورحت الديرة لعزاهطبعا ديرتي غيري عن ديرته وحنا راجعين من السفر تخاصمت انا وياه انهم مو مستقصدين وانا انسانه حاقدة انا صرت ابكي من دموع من غير صوت دقت عليه اخته وقالت سلملي على اهلك قال لي تسلم عليك مارديت قالها هو ينافخ مارديت صار يصارخ طنشت قلت له مالك دخل ارد ولا ماارد انا زعلت وجلست اتحسب فيه وماارد عليه وعشان اقهره وهو مايحب هالحركة رجعت ورى هو طنش مارد علي
لاتقولون لي انتي غلطانه بس انا اللي دايم اتنازل هم مايجونني ولايدقون جوال بس يدقون على اخوهم واذا مارد عليهم يتشكون عند امه انهم دقوا علينا ماردينا فاذا احد قال للي منهم مارديتوا صرت اقول هذا جوالي شوفوا السجل اذا احد دق علي منهم يسكوتن وينحرجون لا وتخيلوا اخر مرة سوت اخته وزوجها عشا وتقول لامي انها دقت علينا واحنا مانرد عشان تعزمناوهي والله مادقت لاعلي ولاعلى اخوها لاني فتشت جواله شفتوا اشلون بس انا ماقلت له انها قالت هالشي ولاجبت طاريها نسيت مااقولكم يوم تخاصمنا واحنا مسافرين قاللي وهو معصب امسحي ارقامهم من جوالك فتحت الجوال ومسحت ارقامهم قلت له شوف هاه مسحتهم والله يستر عليك وعليهم
عشان كذا هو يبغى يراضي اخته انه يجيبني عندها والله ماروح لو ايش اعز ماعلى الانسان كرامته اذا الوحدة ماسوت لنفسها قدر وقيمة محد يعمل لها قيمة صح ولا لا
اليسون999 @alyson999
عضوة فعالة
يلزم عليك تسجيل الدخول أولًا لكتابة تعليق.
اليسون999
•
لاتقولون ماسويت شي بالعكس حاولت معاهم وهديت لهم كاتقرب منهم بس هم شايفين نفسهم ان انتي تروحين لهم مو هم يجونك واتقاديين بقوة لدرجة انهم ينتقدون وحدة ماتستخدم الكلور في الاواني تستخدم بداله ليمون تخيلوا
mno0o0
•
لاتشغلين بالك فيهم الموضوع مايستاهل كلنا نعاتي ونحتسب ونطنش والحمدلله
وزوجك اذا تكلم بالموضوع قولي انت فاهم وجهة نظري ولاتكثرين معه نقاش بهالموضوع
لانهم اهله ومع الوقت راح يفهم حركات الحريم0
وزوجك اذا تكلم بالموضوع قولي انت فاهم وجهة نظري ولاتكثرين معه نقاش بهالموضوع
لانهم اهله ومع الوقت راح يفهم حركات الحريم0
الله يصلح مافي بينكم
يا عزيزتي ان شاء الله رجلك من اهل الخير صدقيني اللي فيه خير بااهله فيه خير فيك
ولا تسبي وتجين طاري اهله الا بالخير واستحملي الله يعينك
يا عزيزتي ان شاء الله رجلك من اهل الخير صدقيني اللي فيه خير بااهله فيه خير فيك
ولا تسبي وتجين طاري اهله الا بالخير واستحملي الله يعينك
الصفحة الأخيرة