خلاص بعد كذا يهينك ويمسح بك الأرض
ويراضيك بفستانين من السوق ..
عرف طبعك وعرف المفتاح اللّي يرضيك
كان الأولى من نفس اللحظة اللي قال لك فيها ماتسوين جزمتها .. تركتي المكان وطلعتي غرفتك مارديتي عليه بكلمة عشان يكون هو " الوحيد الوقح في الموضوع "
حاول يعتذر و يتلطف معاك ، خليك قالبة وجهك عنه وقولي بجلس عند أهلي كم يوم النفسية تعبانة ومخنوقة ..
حينحرج ويوديك ، وبيجلس هو يفكر كل ليلة بكلمته لك و يستحقر نفسه و يصفق خدوده من الغبنة ..
اما يوديني مطعم ، يشتري فستان ، يجيب لي وردة لا حبيبتي أمور عن امور تفرق ..
انتبهي يعتبرك من الناس اللي ترضى ب مبلغ وقدره أو طلعه
أفتكر مرت عمي كذا يهينها و يقذفها ويضربها واذا انتهت المشكلة اشترالها كيس مليان شوكليت لانها تعشقها ، وتجلس تبوسه وتنبسط مره !!
فصارت هذي عادته معاها ..💔

هو صح كلامه يقهر لكن انت السبب مفروض ماجبتي سيرة مرت اخوه خلاص تعبانه مو مقتنعه تنزلين قولي تعبانه مااقدر مره جهزت الفطور خذه وجعله بالعافيه لاتقارنين نفسك باحد ابد عند زوجك لانه اكيد بيحاول يقهرك وكان يوم قالك ماتبغين امي طالعتي فيه بنظره احتقار وقلت عيب عليك ذا الكلام وش الي ماابغاها انا تعبانه من الصيام والحمل واكيد امك بتقدر ظرفي. الله يعين ويسخره لك ودامه حاول يلطف الجو خلاص انسي وخذيها درس لاتجيبين طاري سلفتك عنده.

بعدين ماكان رديتي نفس رده ابدا اذا هو غلط عليك غلط كبير طنشيييه عشان يحس بغلطه ويحزن انه غلط عليك لكن تبادلينه نفس الاسلوب بعيدها عشرين مره بيقول تستاهل لانه طويله لسان ولابيحس بتأنيب الضمير.

موضوعك مرا يقهر
وبتكلم معاك بصراحة انتو واضح ان الأحترام معدوم من بينكم
اجل يساوي قدرك بالجزمة!!وانتي تردي عليه بأقوى نن رده ؟
انصحك ماتسمحين له يتلفض عليك بأي لفظ يقلل من قيمتك واحترامك
ثانياً كان المفروض ماتكلمتي لا ع سلفتك ولا امه والمشكله ان هوشتكم وانتو صايمين بعد الله يهديكم
كان يوم شفتيه معصب وريتيه الاكل الي سويتيه وقلتيله هذا انا نازله الحين عند امك واخذتي الاطباق ونزلتي
عموماً روحي يومين افطري عند اهلك وريحي نفسيتك
وخليه هو هاليومين يحس بغلطته وماعاد يكرر الي قاله

الله يهدي سركم كلكم غلطوا لكن غلط زوجك اكبر
المفروض انت ام عياله لازم يحترمك
الحياة الزوجيه اساسها الإحترام
وزوجك الله يهدي اذا خاصم فجر ماكان له داعي
يكبر السالفه ويخليك ماتسوي جزمة سلفتك
سلمات بزر هو مايعرف يتكلم
يشفعلوا انه عرف غلطه وراضك مادام اعتذر اقبلي اعتذاره ولا تنكدي على نفسك واطلبي منه تروحي لاهلك يومين تريحي اعصابك
الله يسخركم لبعض ويحنن قلوبكم على بعض