الثقه الخارجيه قبل الثقه الداخليه البسي وكشخي وغيري شكلك وستايلك كله غيره ثاني شي السوالف دامك خايفه وماتعرفين تسولفين سولفي مع اي وحده عندك بالواتس اذا اتصل احد عليك كلميه بصوت عالي وبثقه وسولفي مع زوجك بالبدايه ماراح تعرفين وبتتوهقين بس ماعليه خلي زوجك تجربه بالسواليف وروحي بيت صديقتك زي التجربه معاها بعدها روحي مناسبات الثقه الخارجيه باللبس والشكل قبل الثقه الداخليه والله يعينك ياقلبي

كثري من التسبيح قبل شروق الشمس وقبل الغروب   هذا علاج للي يهتمون من الناس  واكثري من ذكر الله ودايم ادعي ربي اشرح لي صدري و يسر لي امري ....حاولي تفتحين مع زوجك حوار ف شي تحبينه سولفي عن أشياء يحبهاا لازم تقوين عمرك روحو للسوق تمشو انبسطو اذا زوجك طيب لاتخلين ه الشي بأثر على حياتكم الزوجية   الله يشرح صدرك وييسر أمرك 

ياقلبي يا أختي أشياء والله العظيم ان قلبي يعتصر ألم من كلامك عن طفولتك
شوفي صحيح انتي عُنفتي من أقرب الناس لك وانحرمتي حنانها و رحمتها
يعني طبيعي تكبرين وداخلك شعور بالنقص وتكون شخصيتك مهزوزة وضعيفة
لكن أنتي الآن ناضجة وتعرفين ان كل اللي مريتي فيه ماكنتي تستحقينه وانك تستحقين الحب بقدر ما استحقه اخوك او اي طفل آخر
أي ان المشكلة ليست فيك
ماتعرضتي له من والدتك لا علاقة له بك انتي ومن تكونين
من كلامك انك واعية ماشاء الله وفاهمة مشكلتك وجذورها وهذا أهممم شئ ودليل على انك قادرة على معالجة الندوب اللي احدثها الزمن فيك
أولاً أبدأي بنفسك قبل أي شئ
أي قبل مشكلة زوجك ونظرته وكلامه لك
أبدأي بنفسك ، أقرأي ، تثقفي ، تعلمي شئ جديد ، مارسي أي هواية تعرفين انها بتزيد ثقتك بنفسك
سجلي في نادي رياضي نسائي لو موجود بمنطقتك وتعلمي السباحة
سجلي في معهد لغة وتعلمي لغة انجليزية او غيرها
كلما تعلمتي شئ جديد صدقيني تزيد ثقتك وتقديرك لذاتك
عالجي جروح الماضي بنفسك لاتنتظرين زوج أو غيره يعالجها
لأن الزوج ببساطه لايعلم ما مررتي به وحتى لو علم و راعاك واحترمك والله ماراح تكسبين ثقتك بنفسك غير لما انتي تسعين وتحترمين نفسك قبل اي أحد يحترمك
وبعد هذا كله راح تحسين بذاتك وتبدأين تختلطين بالناس وتكونين علاقات وتتغيرين حتى مع زوجك وتلقين سعادة بإذن الله
و أمك الله يسامحها يارب يمكن كانت تعبانة او عندها ظروف خلتها تفش خلقها فيك بما انك البنت وتعرفين عادات مجتمعنا وامهاتنا والعادات اللي تربينا عليها
الله يوفقك ويسخر زوجك لك ويعينك وييسر لك كل عسير

الله يأجررررك يالغلااااااا


ويعوض علييييك خييييييررررر



وان شاااااء الله لكي الاجر الكبييييرررر من رب العالميييين



اذا احب الله عبدا ابتلاه


ومثل ماقالو الاخواااات كفو ووفووووا



الله يسعدك من غاااااليييتتيي

انتي لا تبين قدام زوجك انك تحسستي من الكلمه عشان لايمسكها عليك هي مجرد كلمه ( موضه ) طايحين فيها الشباب هالوقت زي - تعرف عايض :)

ابدي ادخلي بالسوالف شوي شوي

بدايه حطي رايك في ٣ من كل موضوع انطرح معك وانتي مجتمعه مع قرايبك

بعدها كل موضوعين اعطي رايك مايهم اذا كان غلط ولا صح بس حسسيهم ان انتي معهم

بعدها اطرحي سالفه خفيفه موقف يضحك - موضوع متعاطفه معه - سمعتي او قريتي سالفه اثرت فيك



حاولي اول مره تبدين في نقطه من النقاط الي فوق تكون مع مجتمع قليل مايزيد عن ٤ اشخاص
وبعدها توسعي ولا تنتقلين للي بعدها الين ما تحسين اتقنتيها

مع زوجك ابدي كيف الدوام معك وبعدها الله يعطيك العافيه
قريتي شي في الوتس اب واعجبك نكته او فائده دينيه قوليها

مع زوجك خلي لك رايي يعني اذا سال وش تبين او وش رايك قولي لاتسكتين
مثلا في مطعم قولي ابي الوجبه الفلانيه سالك وش رايك نطلع قولي ايه ولا لا
صدقيني على انه اشياء بسيطه بس تاثيرها في الشخصيه عميق

رجعتي من مشوار اعطي زوجك نبذه بسبيطه عن الطلعه
بس انتبهي توصفين او تمدحين وحده
يعني قولي جو كلهم الا فلانه يقولون ولدها تعبان معه كذا - تكلمي عن طبخه بدون ذكر اسامي الي مسويتها
سالفه سمعتيها - موقف يضحك
بس لاتكبين العفش كله روس اقلام

دربي نفسك اول شي مع زوجك - اهلك - صديقاتك - قرايبك


واكثري من قول ( ربي اشرح لي صدري و يسر لي امري واحلل عقده من لساني تفقه قولي )

اعرف لك وحده كانت تتوتر و تستحي لمجرد ما احد يتكلم معها ومن كثر ما تقولها تغيرت وانطلقت


اختلطي مع بنات سجلي دوره كمبيوتر او نقلش او تحفيظ

اسمعي سواليف - تعلمي الذرابه والكلام الحلو


شوفي الموضوع هذا انا حاطته في المفضله كيف تردين باسلوب وتغيير غير عن شكرا - جزاك الله خير و بلا بلا بلا

http://www.*****.com/t46757.html

كل كم يوم افتح واقرى واطبق طبعا