قولي انا تزوجك ماتزوجت العائلة كاملة قوليها في وجه الرجال مايعرفون اللف والدوران والتلميحات فجري القنبلة بوجه بصراحة قهروني اسأل الله العلي القدير ان يسخر لك زوجك ويسعد كم ولاتجي وحده تقول خواته بكرة اذا تزوجوا نسوا اخوهم وماهو ملزوم فيهم اذا أبوهم حي

يعني زوجك 24ساعه بوجهك واذا رحتي لاهله تبينه يقعد معك 
غريبة عليكم عادي خليه يجلس مع اهله ويسولف معهم لاحقه عليه 

سبحان الله تخيلي اخوك مكان زوجك والله لترفعينه للسما عشان بره لامه وخواته
الرجل مولانزوج خلاص يقطع خواته وامه ولايسفرهم ولايطلعهم فيه حدوود
قوليله ماعندي مشكله طلعهم مشهم بس لي خصوصيه ايام لازم اطلع انا وانت بروحنا
هذي حالتي مع زوجي ساكنين فوق اهله وهواكبرهم من بدايه زواجي قات له
فيه حدود وخصوصيه بطلع انا وانت بروحنا ما لاحد دخل وين رحنا ومنين حينا
تبي تطلعهم مالي حق اسالك الاغلبيه نطلعمع بعض اوانا وهوبروحنا احيان يطلع خواته وامه
اتعمد ماروح معهم اروح لاهلي اولصاحباتي ولااساله وين رحتوا ولاشي
وسبحان الله يجي ويقولي وين راحوا
واذا جينا نطلع انا وهو ملاحظه انه مايقولهم يعني يقولوا وين رايحين فيكم شي
يرد ويقول رجال وحرمته طالعين فيسكتون وماعاد يسالوا اويقول رايحين مشوار وراجعين
مرتاحه ولله الحمد انتي شوفي جربي يطلعهم وانتي مومعهم وقولي من حقي اطلع بروحي
واطلعيمعهم فنره للثانيه وروحي مع اهلك مولازم تروحين دايم معه ومع اهله
قولي حتى انا بروح مع اهلي بس لاتعقدينها حطي اخوك مكان زوجك وشوفي لوسواها اخوك مع امك وخواتك تفرحي وتنبسطي والاتزعلي
كلام مخربط بس اكتب واتعشا الله يكتبلكم الخير

اختي اسمعي كلامي انا كبيره وعيالي متزوجين ومدامك توك سنه متزوجه يبيلك مده تفهمين تصرفات زوجك وش يبي وش مايبي
بالنسبه لجلوسه مع اهله عادي الحين هو مقابلك ايام ولين زرتو اهله تبينه يتركهم ويجلس يسولف معك!!
والسفر اذا بيخذهم معه لاتمنعينه هذولي اهله ولهم حق وانتي بالعكس افرحي الي مافيه خير لاهله مافيه خير للناس بكره تشوفين والله ماتندمين وبعدين ماجلس يقول انتي ماتبين اهلي وكذا هو الرجال يشوف التصرفات يمكن مره تصرفتي وحطها في باله خلي نيتك زينه واهتمي فيه واهله وصدقيني بيحطك فوق راسه
بعض الحريم لين تزوجت الرجال ملكته ماتبيه يسوي شي خاصه لاهله وهذا غلط
وبعض الحريم لين جت لاهل زوجها مسكته ولبقت فيه كنه بيطير منها وقامت تتكلم بدلع وتغمز له وحركات الحمد الله ولا راعت شعور امه وخواته الله المستعان
الله يوفقك اختي

الله يعين اهل الزوج على حريم اولادهم مادري وش المشكله اذا اهله سافروا معكم  طيب لي مالهم عايل غيره وحتى له عائل غيره اذا دخل السرور على اهله ترى دعوه من امه تساوي الدنيا ومافيها وراح تشوفينها في اولادك واحتسبي الاجر عند الله واهل اهلله حتى وان تكلم فيهم قولي اهلك ولزم تبرهم وتصلهم  والله يسعدك ويسخر قلب زوجك لك