هلا حبيبتي حبيت اقول شي الا هو المفروض انج توعين الصبح قبله وتجهزين ريوقه واغراضه من والي وتودعينه بكل حب للدوام وتردين ترقدين ترا ما وراج شي لاحقه على النوم مشكلتج تراها سهله جدا احمدي ربج لو تشوفين الي عندي والله العظيم اني اصحى قبل الصلاه بشوي وأوعيه تقريبا ساعه يتعبني نكدي وساعه يسبح وساعه يصلي 😂😂😂 وتعالي طالعي الانتظار لين ينزل تحت يكون الريوق برفكت من كل الاصناف وأكون ودعت عيالي كلهم الجامعات والمدارس والروضه وولدي الكبير نفس الشئ متعب اسبحه ماي بارد عشان يصحى للدوام ابدن والله الصباح ما ارقد واقعد على الموبايل ويا ويلي اذا الخدامات طبخن وتعالي شوفي النكد والطلبات الغدا يطلب اصناف والعشاء اللهم له الحمد ابدن ما نتعشاء محذوف وبناتج اكليهن قبل ما يرد ابوهن ودخليهن حجرتهن وحطي العابهن وخلي الخدامه حذالهن

حبيتي مافي مشكله ولا شي كل هذا اعراض جانبه بعد التكميم خساره الوزن السريع يسبب خلل في الطاقه والهرمونات اصبري حتى يستقر وسف تعود حياتك افضل

كيف يتلكك هل معقوله يدور علي الزله في ايش
انا متأكده مليون بالميه اني مو مقصره عليه بأي حق من حقوقه ولا بتصرفاتي ودايم مبتسمه
اقولكم شي .. صار لي هالموقف اليوم الاخ ناداني بنزره بسبب ان بنتي الصغيره دخلت عليه وهو قاعد يلبس وصرخ يناديني بنزره انو تعالي شيلي بنتك


انا بدوري عصبت صراحه خير تصرخ وتناديني بهالاسلوب وكله عشان بزر دخلت عليك ليش ماقفلت الباب تبيني اقفله لك بعد مو منطق طبعا سكت ولا قلت حرف ودخلت اخذت البنت وطلعت ورجعت لقيته مقفل الباب فتحته بمفتاحي ودخلت عااااادي ولا حاكيته ولا شي وكنت ملهيه نفسي بترتيب الملابس
شافني ماتكلمت معاه قال وش فيه يالله صباح خير مكشره !!! لاحووول اللله انا وش قلت لك اصلا ولا وش حكيت معك ولاني مكشره ولا شي جلست ارتب الاغراض تبيني ابتسم بعد زي المهبوله عشان ارتب الملابس بالدولاب اصلا ماطاح وجهي بوجهه عشان اقول يمكن كشرت عقب الموقف ولا شي حاولت اول مادخلت اتحاشاه لان بداخلي معصبه من اسلوبه قبل شوي وطريقته في انه صرخ علي وهو يناديني


وقتها عاد انفجرت
كم موقف جمعته وسكت وسكت وسكت وانفجرت قلت خير ان شاء الله تزاعق وتناديني وتصارخ عشان بزر ٣ سنين عمرها اقتحمت عليك الغرفه وش دخلني انا تصرخ علي عشانها
تدرون وش قال!!!!!
قال ماشفتيها وهي جايتني كان منعتيها
وانا والللللللله تحت بالمطبخ احظر له فطور وقلت له انا تحت ازين لك شي تاكله قبل ماتطلع وانت فوق تصارخ علي


طبعا سكت بوقتها وانا سكت واخذت عبايتي وطلعت وتركته ويدق ويدق وسافهته


اتعبني واللله اتعبني صاير مغرور وشايف نفسه من عقب ماسوا تكميم جد تعبت معاه اللله يعين

انا تاكدت اللحين ان مهما تسوي وتفعلي مذمومه سبحان الله
يعني تستقبليه بها الكلمات وتتحاضنون وبعد ما يبين فيه
يا اختي طنشيه وكلامه انسيه ممكن بكون معصب او مخه بشي ثاني مافي شي مثالي ميه بالميه
وكل الرجال ما يتحملون الاطفال وقت الاكل انا بالموت اصبر نفسي ما احب الاكل وهو بكل مكان بس اكتم عصبيتي بس في ناس ما تقدر انتي ولا يهمك خليه يقول اللي يقوله انتي ما قصرتي وروحي انتي وياه اشتريله ملابس وكثري خليه ياخذ زياده

زوجك مل منك ومعه الحق صراحه ليش تكشرين وش عليه ؟ وليش تعصبين !! عجبي منك حتى الصبح يصحيك من النوم عشان تجهزين اموره لهالدرجه الاهمال وصل فيك !! انتي تحسبينك لاخميتيه اذا دخل انك واواو ومسويه انجاز لاتخمينه تكفين بس قومي ببيتك وبناتك اللي جادعتهم لخمس العصر بحضانه ماتدرين عنهم واذا جو ساعتين ماتحملتيهم اتقي الله شفنا سيدات اعمال وبدون ذكر اسماء ماسوو سواتك
مجرد قريت موضوعك وردودك للاخير ادور شي ابي اقول الخطا عليه عجزت رجل يطلع من الصبح لست المغرب عاجزه عنه وتكشرين بوجهه وتعصبين وتصارخين على بناتك كارف بدوامه من الصبح الى المغرب وتخلين الاطفال بهالساعه اللي يدخل بيته بيرتاح وبيتغدا يتغدون معاه ؟ يختي غدي بناتك قبل وخليه غداه بعيد عن الضوضاء والازعاج الواحد يرجع من دوامه تافل العافيه زوجك من خلال كلامك نص يومه بدوامه والنص الثاني يطلع لامه ويقضي اشغاله بناتك نص يومهم بالحضانه والنص الاخر نايمين ؟ معليش وش يوترك وش يعصبك راجعي نفسك انا اشوفك غلطانه بحق بناتك اولاً وبحق زوجك ثانياً معليش الوضع منك ماينطاق ولاتحسبين انك لبستي مرتين بالاسبوع انك سويتي انجاز المفروض على جدولك اللي ذكرتيه وجدول زوجك وبناتك وعندك خدامه اربع وعشرين ساعه فستان
بناتك ثم بناتك ثم بناتك شوفيهم اجلسي معهم ربيهم حرام عليكم مهملينهم كذا ليش لخمس العصر حضانه اعوذ بالله وانتي ماتداومين روضه معقول يطلعون قبل الظهر او على الظهر تصحين من النوم الخدامه تمسك البيت وانتي بعدها تجلسين معهم تعلمينهم تربينهم تدرسينهم تحفظينهم قران تسولفين معهم تحضنيهم تحتوينهم المسكينات وتغدينهم الظهر الاكل اللي يناسبهم مو اكل ابوهم شي يناسب الاطفال شوربه رز احمر فواكه على شكل وجه فرغي طاقتهم العبي معهم حطي لهن غرفه العاب بما ان بيتكم كبير وفيها شاشه حطي لهم سياكل مراجيح العاب بنات مطبخ ومامطبخ وعرايس واذا جا ابوهم يتغدا لايجون لمه خلي الخدامه معهم تنتبه لهم وعلميهم العيب تراهم مو صغار مره يفهمون كل شوي اشوفك تقولين بكرا يكبرون يفهمون اذا كبرو وانتي ماربيتيهم على اساسيات ماراح يفهمون فهميهم من الان ابوكم جا تعبان مايبي ازعاج وجوعان بابا مسكين يتعب عشاننا لازم نخلي بابا يرتاح عشان يصير طيب مايصير تعبان والشاطره بعطيها هديه او بوديها الملاهي او بوديها البقاله او حطي صندوق مفاجات تدخل يدها يطلع لها هديه فهميهم ربيهم ترى الطفل على ماربيتيه اذا تغدا ابوهم وارتاح وعين خير وتلين انسدح او نام نادي البنات لمه اذا مايقدر مو لازم لان وقت دوامه طويل صراحه يرجع هلكان ماله خلق شي اما انتي صراحه اعيد واكرر راجعي اسلوبك وحياتك لاني معليش اشوفك مهمله ثياب تجلس يومين عند الغساله ليش وعندك خدامه اذا هي قطعه وحده الله يسلمكم اغسلوها بيدكم مو لازم غساله ماتبي شي مجرد يفصخها عطيها الخدامه على طول تغسلها بيدها وتنشرها وتكويها ماتاخذ ولا اربع ساعات واضحكي بوجهه ماله داعي التكشير وهو مايشوفكم الا كم ساعه الله يعين