بنات بدون مقدمات
اليوم صنفت براسي البس بيجاما شورت
وانا بالعاده لبسي ساتر طول 3 سنين زواجي
المهم.. انا سمراء.. بس جسمي حلو الحمدلله
وزوجي اول ماشافني قال ايش عندك اليوم؟
قلت: ابدا بس حبيت اغير شوي.. عجبتك البيجاما؟
قال: ايه حلوه.. بس صرتي تشبهين وحده..
قلت بدلع: مييييييين؟
قال لي اسم ممثله خليجيه دايما تمثل انها بويه
واول حرف من اسمها (ش)
المهم انا انصدمت بس مابينت..
قلت: اهااا.. طيب تبي تتعشى؟
قال: ايه
ورحت المطبخ حضرت له العشاء
ورجعت اشوف التلفزيون..
وهو شوي الا يجيني.. يقول عساك مو زعلانه؟
ضحكت.. وقلت: ليه؟ صاير شي؟
قال: لاني شبهتك بفلانه.. ترى ما اقصد والله..
قلت: حبيبي عااادي تشبهني بفلانه بعلانه براحتك.. انا اعرف نفسي مالي شبيه.. وعندي مرايه وعيون..
قال: ترى حلوه البيجاما لاتزعلين..
قلت: عاااادي مافي شي يزعل لاتكبر السالفه يا ابن الحلال واللبس هذا لابسته لنفسي..
قال: ايه ادري مو لابسته لي..
وانا سكت وجلست اناظر التلفزيون..
وهو ما تعشى!!! وفجأة راح دخل ينام بدري!!!
ما ادري وش قصته هذا..
بنات ترى مقهوره ارجوكم ما ابي ردود سلبيه..
بيني وبينكم كرهت نفسي وبيجامتي بس مابينت..
ومستغربه منه يسوي سالفه من ولا شي وفوق كذا ينام زعلان
كنافة بالجبن @knaf_balgbn_1
عضوة جديدة
يلزم عليك تسجيل الدخول أولًا لكتابة تعليق.
maryam2
•
البنت الي شبهك فيها عادية مو شينة ولو كانت شينه كان ماشفتي الرجال يطلبون ايدها
اما سالفة زعله مدري وش سالفته
اما سالفة زعله مدري وش سالفته
بس هو ما شبهك لوحدة شينة انا اشوف ( xxxxxx) حلوة ومهيب شينة يمكن يقصد انك طالعة ناعمة ورايقة وكيوت مثل xxxxxxxx ويمكن زعل لانك فهمتيه غلط
الصفحة الأخيرة
عجبتيني ما شاء الله عليك