والله البنات ماقصروا
ودخلت ادعيلك ربي يسخر لك ويهديه ويقر عينه فيك
وحاولي تسووي رجيم وتروحين للدكتور ,,,

حبوبة الله يعينج

بس نصيحتي لج حاليا أجلي الزواج فترة مناسبة

وحاولي تهتمين في نفسج من كل ناحية

أول شي ثقي بنفسج إنك قدها وإن شاء الله ما عليج أي قصور

حاولي تهتمين في ريحتج مثل ما نصحوج الأخوات وفي ريحة شعرج وحاولي تغيرين في قصة ولون شعرج يعني غيري من الشكل إلي تعود يشوفج عليه
وفي نفس الفترة اتبعي نظام حمية وحاولي تشوين رياضة بشكل يومي حتى لو تشترين جهاز مشي وتخلينه بالبيت كل يوم ساعة راح تشوفين الفرق بسرعة
وإهتمي وايد في الملابس إلي تلبسينها جدامه دخنيها وعطريها زين

وبالنسبة لريحة الفم ممكن تكون اللثة تعبانة عندج روحي لطبيب أسنان وخليه يكشف على أسنانج يمكن الحل يكون جدا بسيط

وأهم شي أنصج فيه إقرئي على نفسج واهتمي بسورة البقرة إقرئيها على ماء زمزم واشربي منه وشربيه هو بعد لأنه يمكن صابتكم عين أو حسد أو حتى سحر (يفرقون بين المرء وزوجه) صدق الله العظيم، هذا كلام الله سبحانه وتعالى ما تعرفين يمكن كل إلي يقوله لج مش طبيعي ما يقصده وأنا من حكم خبرتي مع صديقاتي كان في واحد يشم من زوجته ريحة كريهه رغم نظافتها الممتازة وكان ما يقدر يجامعها ولما تعالجو من السحر رجع طبيعي وجابت عيال منه.....

واستمري فترة زينة يعني شهور ولا تنسين الدعاء واللجوء إلى الله

بعد ما تسوين كل هذا أسألي زوجك مرة ثانية شو رايه فيج بدون ما تنزلين من قدر نفسج وقولي له بكل ثقة إذا يا ولد الناس أنا مش عاجبتنك ما شي يجبرك تربط نفسك فيني طول العمر لأن المرأة يا أختي كل ما كبرت زادت تجاعيدها وتعبت بشرتها أكثر وأكثر وبالذات الحمل وبلاويه والآثار إلي يتركها والعيال

الزواج سالفة يعني إذا الزوجين ما راح يتقبلون أشكال بعض من البداية مصيبة

إنتي حاولي وإن شاء الله تخبرينا إن الإمور مشت تمام وإن كل شي عدى على خير

الله يسعدج ويوفقج إن شاء الله

الله يهديه لك ويسخره
صراحه البنات ماقصروا بس حبيت ادعيلك
وعليك بصلاة الليل والدعاء لانه سبحانه اذا اراد شي يقول له كن فيكون
فان شاء الله سوف يتبدل وضعك من حال الى حال

إن أغلي عطور الكون يا اختاه هو المــــاء نعم المــــاء

فإن أطيب الطيب للنساء وابن ادم الماء.

كما وصى الصحابي الجليل رضي الله عنة ابنتة وقال لها.....

اوصيك يا بنتي بالاستحمام فان اطيب الطيب المـــــاء.

ثانيا : صلي الاستخارة وربي يوفقك لمافيه الخير

بصراحه انا نادر ماادخل هالقسم بس ماعندي شي وقلت اطل واشوووف ايش فيه وبصراااحه انفعلت جدا يوم شفت رسالتك مع ان وقتي مضغووووط وبطلع بس قلت لازم ارد اخاف اخليه وقت ثاني وماالقى الموضوووووع والله احس اني بكسر الكيبورد....

ماقوول الا الله يكون بعونك....

البنات ماشاء الله ماقصروا مع اني متأكده انك اكيد تعرفين الصابون والشاور جل والعطورات بانواعها ...

اللي بقوله لك لايهزك كلامه وخلي ثقتك بنفسك كبيره وكل هذا مايمنع انك تسووووووين ريجيم وتزيدين جرعة اهتمامك بنفسك<< لنفسك >> قبل مايكون للاخرين مع اني متاكده بعد انك تحاولين تكونين بابهى صوره وقت مايجيك ولكن باين عليه انه مايملى عينه شي..

عندي لك اقتراحين..

الاول ....جربي اسألي المقربين منك سواء اخواتك اوصديقه محبببببببه لك مين ماكان بس بشرط اللي تسالينها تكونين متأكده انها بتكون صادقه معك عن شكلك وريحتك لتتأكدي فقط لاغير
<< لأنه ربما يكون ماله رغبه فيك ومايدري كيف ينهي الموضوع بالعربي يبي يطفشك>>

الثاني ...اطرحي عليه فكرة الانفصال <<جس نبض>> بحجة انه كان عارف جسمك من قبل وليه الاحباط <<شايف جسمك.....بعدين يقول موب عاجبه...وبعدين يقول مارح يتغير فيك شي>>
اذا ربي طارح بقلبه القبول لك <<<والله لو انك خيشة رز بيشوفك قمر يتمخطر>>>


ياما ناس تشوفينهم ماناقصهم شي اجسااام وجمااال وريحه تشمينها منة10 امتار ماشاء الله ومالهم حظ مع ازواجهم وكل عايش لحاااله..

وياما حريم تشوفينهم وترتاعين من انوااع البهذله ومايعرفوون من العطور الا ارداها وارخصها ولا فيهم نظافه لاشخصيه ولا ببيوتهم واولادهم وازواجهم مايسمعوون فيهم ويشوفونهم شي...


هذا كله من رب العالمين

كل خوفي ان هذا يكون من اساليب التطفيش ويبيها تجي منك والا كان مايقول مارح تتغيرين...


واذا هذا النقد وانتم بالبر ومابعد اجتمعتوا ببيت واحد فكري ببكره اذا صرتي معه ببيت وااااحد ...

مره بيشوفك وانت توك صاحيه ومره وانت تعبانه ومررره ومرررره......

انا ماقول انك مارح تتعدلين له في المستقبل بس اكيد مارح بتكونين بالزينه اللي يشوفك فيها وقت مايجيك وانت بالملكه!!!
ببيتك بتلبسين وتحطين شوي ماكياج وبتكونين بسيطه......



انا اقولك استخيري مره ثانيه وثالثه واستشيري المحبين لك واللي يتمنون لك الخييييييير وفكري بالمستقبل وخلي نظرتك للحياه معه ابعد فكري بعشرات السنين...


يمكن تتزوجينه ويتغير ويمكن ماتتزوجينه ويجيك اللي يشوف جسمك احلى جسم وريحتك مسك وعنبر ويكرهك بهذا.....



بالاخير هذا رأي شخصي واتمنى لك التوفيق سواء معه او مع اللي يعرف قدرك