تعاملي معاااه بالمثل اذا بس بسالفه الفلوس سوي مثله مثلا لا عاك المصروف نص الشهر قولي له ابي ميه او ميتين واذا قال ليه قولي له خلص مصروفي اذا قال ايش اخذتي قولي له مو لازم اعلمك كل شي وطنشيه حتي لو مااعطاك
مثلا حاولي تدخري من مصروف وتشتري لك أي قطعه ذهب لو ب500 ريال واذا قال لك من وين لك قولي اهلي يعطوني ومو شرط اقووول لك كم عندي وهاكذا لين يتووووووب عن أسلوبه

اه بس من قال يعطيني مصروف !
فتحتي جروحي

ي خوات انتم تعتقدون انه يصرف علي ولاينقصني شي ..
والله يرفض يجيب الصابونه اللي اغسل فيها وجهي ..
ردو ردود زينه لاتتوقعو ان السالفه شفايه لا ..
زوجي بخيل..

طيب وش بتستفيدين اذا عرفتي كم عنده ؟
الرجال اذا هو سخي بيكون سخي لو ما تدرين كم عنده ولو هو على بساط الفقر والدين
ولو هو بخيل لو عنده عماير وملاييين
فمعرفتك عن فلوسه او عددها ماراح يغير من تعامله او تعاملك مع المشكلة
وانك تقولين ما تسالون لانهم ما يقصرون ياقلبي انت لا تحكمين على الناس بالطريقة هذي ترى هذا غلط
الاغلبية سألوا بس عيوا زيك بالضبط بس ما خلوها مشكلة وسالفة بينهم
وفيه اللي سألوا ورجالهم زي ما قلتي ما يقصرون وفيه اللي سألوا وزي حالتك رفضوا يعلمونهم وفي نفس الوقت مقصرين !
لكن الكل اجمع ان معرفتك للامر ما تحل المشكلة
انت دوري حلول مع زوجك في طلباتك وطريقة التعامل معها
اذا انت شايفه نفسك شوي مسرفة وهو ما يحب الاسراف هذبي نفسك وتعلمي طلب المهم
اذا انت شايفه حالك كويسه ومعتدله حاولي معاه واطلبي دايما الين يتعود
واذا انت شايفه انه بخيل وناشف ومقصر عليك في كل شي من مأكل وملبس وكل ما طلبتي شي سواها سالفه حتى لو طلعه بسيطه او طلب بسيط
عندي قناعة ان الرجال انواع
بعضهم سخي لدرجة العباطه وهذول مساكين زوجاتهم وممكن يجلسون على الفقر بسبب سخاء رجالهم الغير محدود وما يقدر يجمع ريال
وبعضهم سخي بس متوسط
وبعضهم ماسك بس ايضا يميل للسخاء المعقول والتنصيف العقلي للمهم وغير المهم واللي ممكن يكون فيه تصادم لاختلاف العقلية الذكورية والانثوية للمهم والكمالي
وبعضهم ماسك ويبي له مطاق وتعامل يومي لكن في النهاية يعطي بس عقب ما يشيب الراس
وبعضهم والله لو تحفرين الارض ما يعطيك ريال
وبعضهم الله يعافيهم ولا يبلانا عندهم املاك وملايين وبيوت وعقار وما يحط في بيته الا مكيف واحد واذا خرب عيا يصلحه وثياب عياله ما يغيرها لهم ياخذون من الصدقات
وغيرها من الحقارة
فالانسان يحمد ربه على اللي عنده ويحاول يفهم طريقة التعامل ويصبر عليها مدام ما وصل للصنف الاخير اللي بالنسبة لي هو اللي لايطاق ويحتاج حل جذري