زوجي يقول عني كذابه كيف اتعامل معاه

السلام عليكم ورحمة الله وبركاته
كيفككم خواتي كل عام وانتوا بخير ومبارك عليكم الشهر
بحكي لكم قصتي خواتي ومالي بعد الله غيركم انا متزوجه من 8 سنين وكان اتفاق بينا انا وزوجي انه مااخلف بداية الزواج بعد مامرت 3 سنوات من زواجي كانت تحصل بينا مشاكل كثير ومشاكل كبيره توصل للطلاق انا من يوم ما اعرف زوجي وهو يهددني بالطلاق فعشان كذا مافي اي حماس اني افكر بالحمل بتقولون لي ليش قاعده معاه وهو مايبيك لسببين السبب الاول اهلي امي وابوي مافي اطيب منهم بس مالهم كلمه على اخوي اخوي الله يهديه ظالمنا وكلنا تزوجنا هروب منه ماينادينا الا ياجزمه وزباله وممنوع تلفزيون وجوالات وطلعات حتى مايخلي زوجته تخدمه يقول انتوا سو لي وهو عايش مع اهلي بنفس البيت يقول ماراح يطلع لبيت لحاله الا اذا تزوجوا خواتي كلهم وبعدها ولاتشوفون وجهي والسبب الثاني وحده من خواتي مطلقه مابي نصير كلنا مطلقات اخوي ماراح يرحمنا يعني اذا ابي اهرب من زوجي بيجي لي اخوي اختي المطلقه مسكينه شافت الويل منه يقول انتي الشغاله بالبيت والشغاله ترتاح والله ياخواتي انا شفته بنفسي زوجته ماطبخت الغدا وماعصب عليها قام وجاء سطل مويه وحطه فوق اختي وهي نايمه اذا غلطت زوجته يروح عند اختي المسكينه فا انا يوم اشوف حياة اختي اخاف من الطلاق واخاف اندم مشكلة اليوم قلت له ابي احمل خلينا نسوي حل قام عصب وقال على كيفك متى ماتبين تحملين تحملين ووقت ماتبين على كيفك هو انا مابي عيال قلت ليش قال بس مابي عيال وينك من اول وينك بداية زواجنا ليش مافكرتي بالحمل قلت كان اتفاق بينا قال انا كنت امشيك ولا ماكنت راضي استغربت بصراحه من كلامه سكت وبعدين مع الهواش يفتح لي مواضيع قديمه يقول اصلا انتي كذابه ويحلف يمين اني كذابه ويقول لي المواقف اللي كذبت فيها وكلها كذب انصدمت بصراحه المشكله لو احلف مليون يمين بضل بنظره كذابه ويقول لي روحي عند اهلك ويطلع الشنطه وقالي جهزي ثيابك هذا كله بس عشان قلت ابي عيال ومع العلم زوجي ابدا مايتكلم عن موضوع العيال يبي كل شي انا ابدا اتكلم فيه الحين انا مدري وش اسويي ومدري كيف اواجهه مشكلتي ومدري اتطلق او اجلس معاه عند اهلي مشاكل اخوي وعند زوجي لا يبي عيال مني ويشوفني كذابه واي شي يقولونه اهله عني هم صادقين وانا الكذابه محتاره خواتي