زوجي يقول كانت بيضاء خفت تفتن الرجاجيل

السلام عليكم ورحمه الله
بنات حبيت استشيركم بسالفه البارح صارت معي وابي اشوف معي حق او لا بصراحه زوجي يحب البيضاء وانا سمرا مع العلم انه ابيض ولا عمرة قالي سمرا دايم يقول اصلا انتي بيضاء بس مو مرة بس بيضاء يعني يجامل المهم البارح رايح هو مشوار لوحده ويوم رجع للبيت يسولف علي وقال انه شاف حرمه مطلعه عيونها ويديها مو متسترة زين وهي بيضاء وجالسه تشحذ عند باب المسجد وخفت تفتن الرجااااااااااااااااااااااااجيل وقلت لها نصحتها يعني انها تتستر وتغطي عيونها انا قلت طيب انت المفروض اذا انا معك تقولي انصحيها اما انت تنصها ليه انت هيئه
قال لا بس خفت تفتن الرجاجيل خاصه انها بيضاء وجالسه عند بااب المسجد حق الرجال انا سكت يوم جاء اخر الليل صار ..... بس انا من غير نفس حاسه انها هي اللي فتنته مو انا فهمتوا علي هو شافني متغيرة وسال والح بالسؤال يوم شفته مصر قلت له السالفه قال لا انتي تفكيرك غلط
قلت على الاقل ما تقولي اتها بيضاء اقلها قل ما تسترت وبس لا تقول بيضاء جرحتني وبعد تقول تفتن يعني تفتن الرجاجيل وانت منتب رجال يعني ما فتنتك هو سكت وقال مرة ثانه ما اقولتس مثل ذا المواضيع انت تفكيرك مدري وش يبي تراي غيورة واحيانا تفكيري فعلا ماله داعي بس مدري ضاق صدري وش رايكم بتصرفه وش رايكم بكلامي اسفه السالفه بايخه بس ودي افضفض وترى عادي الصبح محد زعل من الثاني الامور ماشيه عادي بس احس الكلامم اللي قاله ماله داعي وش رايكم