جمان تركي :

ياجماعه الله يهديكم خلكم محضر خير ولاتزيدون على الحرمه همها وتجلسون تسبون بزوجها هذا زوجها وحبيبها حتا لو قاهرها أكيد ماترضى تسمع أحد يسبه..الله يهديكم أختي حبيبتي اسمعيني بعقل.. أنا بنظر للموضوع من عين زوجك ومن عينك حتا ماأكون متحيزه.. أي زوج بالكون يبي بيته يكون سكن،والحرمه ربي جعل مكانها البيت وكلف زوجها بالعمل والسعي حتا تكون عليها مسؤولية خلق الراحه والهدوء والأمان بهالمملكه الجميله،وأنت إذا ماحققتي هالشي ببيتك كيف تبين زوجك يرتاح وبالتالي ينتج وبنفس الوقت يعطيك أكثر وأكثر.. أنا أعرف أن المرأه تواجه ضغوط أيضا من عيالها وتربيتهم وأهلها والبيت ومهامه والطبيخ و و و و و لكن ياقلبي أنت كله بأجره وهذي رسالتنا بالحياه لازم نأديها على أكمل وجه،بالتالي أنت لازم تبحثين عن موضع الخلل اللي خلا زوجك يفكر بالزواج وترممينه،مو شرط إزعاج العيال هو السبب يمكن قال هالشي حجه عشان يبرر موقفه،بس أنت ابحثي هل فعلا العيال؟ أو إهمال منك؟ أو إهمال بشكلك؟أو ي حاجه بنفسه مالبيتيها؟أو أو أو ..... وعادي تحصلين خلل كلنا ناقصين والكمال لله. الشي الثاني..كل البنات قالوا لك لما شاورك على سالفة العرس ( لاااااااتوافقينه ) حبيبتي..أنا لو كنت رجال وأبي أتزوج راح أتزوج سواء وافقت زوجتي الأولي ولا لأ..:) لكن كوني أشاورها هذا يدل على احترامي ووفائي لها أخذت رايها قبل أصدمها أو أجرحها..فأنت يالغاليه اجلسي معه يوم بهدوء وروقان والعيال نايمين وقربي منه وألمسيه وزحضنيه وعطيه الأمان ولما تشبعينه حب سولفي معه.. أسأليه عن الأسباب الحقيقيه لرغبته بالزواج (طبعا خليك مروقه وأعطه الأمان أنك ماراح تزعلين أو تبكين عشان يتكلم بصدق) بعدها أوعديه أنك بتتغيرين وبتكونين له الزوجه الثانيه والثالثه بس يعطيك فرصه(صدقيني الرجال إذا حصل حرمه ملبيتله كل رغباته أبدا مايفكر بالزواج أصلا شو له بعوار الراس والحنه من حرمتين؟؟) < هذا الكلام قاله لي زوجي وبالأخير أنت أدعي الله وألحي بالدعاء آخر الليل ترى سهام الليل لااا تخطئ والله إذا كل الأرض تآمرت أنها تشقيك ورب العالمين كتب لك سعاده والله بتعيشين سعيده.. أدعي أن ربي مايغير عليك زوجك ويكتب لكم حياه سعيده وهانيه ويحفظ لك عيالك وينشأهم نشأه صااالحه ، وهالله هالله ياحبيبتي بحسن تربية أولادك وتأديبهم ربي يبلغك فيهم كل خير

ياجماعه الله يهديكم خلكم محضر خير ولاتزيدون على الحرمه همها وتجلسون تسبون بزوجها هذا زوجها...