أختي لطوفه الحزينه :كيف الحال الصراحة قرأت كلامك والموقف الغريب من زوجك وزي ما ذكروا الأخوات أكيد جاي طفشان وحط الحره فيك هي العادة مو شي غريب المهم عزيزتي لاتراضينه ولاتروحين لأهلك وخليك عادية جداًوأذا جاء بيعتذر ناقشيه بالموضوع ولكن لايكون معصب ناقشيه بهدوء وعاد أنتي أدلعي شوي وأنتي فاهمة الباقي والله لايجيب شر ومهما كان تراهم أزواجنا وأباء أطفالنا نتحملهم غصب عن خشومنا ودمتي.

شهادة اعتز بها بالفعل

جزاك الله خير اختي الكريمه

شوفي المشكلة الرئيسية هي : انك ماسويتي شي يستاهل كل هذا !!

يعني حتى لو انه معصب من ستمية شي برا البيت .. حتى لو شايل عليك بعض الأشياء من قبل .. حتى لو كان تعبان ..
اللي صار وقتها مايستاهل ردة الفعل الشنيعة هذي !! وهالكلام رد على اللي قالوا معليش كان معصب .. معصب على العين والراس لكن تعتقدون من العدل يفرغ العصبية على راس زوجته - لاحظوا ماكانت إهانة لفظية بعد - وهي قاعدة تتدلع ؟ .. ياجماعة ياحريم ارحموا انفسكم .. لا تتحججون بان هالكلام يعين الشيطان على هذي الزوجة أو ان ( الزوج نعمة من الله !!!!!! ) أو غصب نتحملهم ! .. يا ناس ( الإنسان ) مهما كان جنسه أوعمره له حد أدنى من الكرامة لازم يحافظ عليها .. على الأقل عشان يظل قدره محفوظ عند الطرف الثاني .. ترى لا رب العالمين ولا رسوله قال كذا .. وشفيكم بس تتكلمون عن حق الرجل والواجبات اللي على المرأة ولا وحدة فيكم إلا نادر أستنكرت عدم قيام هالزوج بحق الاحترام والعشرة ؟؟ عشان تقعدون تنصحونها بأشياء هي نفسها مارضت تسويها .. تبونها تعتذر منه ؟؟؟؟؟؟؟؟ ..

أختي .. من النصايح اللي عجبتني وكنت منطقية هي انك ماتطلعين من بيتك ، لأنه ( بيتك ) .. مكانك يعني .. وأيضاً انك ماتقاطعينه بالكلام لكن مو انك تبدين ، لأ ، لما هو يحاكيك تردين كلمة ورد غطاها عشان ماتحسب من موقف المسلم اللي يهجر أخوه المسلم أكثر من ثلاث ليالي .. برضه تتزينين وتتكشخين مو عشانه لكن عشانك .. وبرضه انك تمارسين حياتك الطبيعية عااااادي جداً وتنبسطين وتتعمدين تورينه هالشي لكن ترى لما تغلبك مشاعرك لاتبينين قدامه روحي لغرفتك واقعدي لحالك لأنه هو بعد مو مبين .. وفي نفس الوقت لاتخلين احد من اهلك يلاحظ لان مصيركم ان شاااااءاالله ترجعون زي اول لكن اللي بتقولينه لهم بيرسخ في بالهم .
كللللل هذا سويه إلىىى لما يعتذراعتذار زي الناس ومافيه مانع بعد من هدية تلائم الموقف :) .. وبعدها عاد خلاص تعطينه محاضرة كيف ان هالشي ماكان مقبول ابداً ابداً وتطلعين كل اللي في خاطرك بكل ذوق و احترام ..
وزي ماهو مكتوب في أحد الردود ، إذا تعاملتي باحترام ورسمية اكيييييد بيتفشل ويحس كيف كان سيء جداً معك .

صراحه كلامج يا اخت قهوة بالحليب صح لاحظت ان الكل يتكلم عن حق الرجال بس محد يتكلم عن حقوقنا

أختي قهوة بالحليب ...

ما تعيبين على ( قولي : الزوج نعمه .... نعم الزوج نعمه والأبناء

نعمه والعافيه نعمه ...) لا أظن أنني أخطأت حتى تضعي كل هذه

العلامات للتعجب ...

عموما... يا أختي كلامك منطقي جدا ...وهذا من الانصاف ...

لكن نحن نقدر دائما أن المرأة أو أي طرف يأتي يشتكي فإنه يكون

ينظر لللأمور من زاوية معينة ...لذلك نحاول أن نكون

منصفين قدر الامكان...كما أنني بصراحة في مثل هذه المشاكل أتمنى أن لا أكتب إلا

ما فيه سبب للأجتماع الزوجين...لأني أخشى أن تكون كلمة كتبتها

سبب للتفريق بينهما....

غفر الله لي ولكم .... وجعل ما نكتب حجة لنا لا علينا .