طيب ليش مدرسه اهليه ولاهو تقليد بس
زوجك ماعنده امكانيهً يدخله مدرسه اهليه خلاص دخوله حكومي وإنتي خليك معه واهتمي بولدك بيطلع الاول على المدرسة
اما سالفه ان ابو زوجك يدفع لو من طيب خاطر ممكن
لكن زوجك يطلبه أكيد ان يشوفها صعبه بحقه

الله يهديك
من كلامك وشخصيتك واضح تحبين تجاكرين وتحبين المظاهر
واذا درس ولدك بمدرسة عاديه وش المشكله
أهم شيء العلم
وبعدين فلوس الشايب يصرفها ع كيفه وبراحته مو لازم تحشرين نفسك وعيالك فيها
خلاص خفي ع زوجك لايجيك خروج نهائي وتصيرين لاطلتي بلح الشام ولاعنب اليمن

• وش دخل ابو زوجك يتكفل بمصاريف ولدك

الا لازم اهليه وش فيه الحكومي عشان عيال عمه يعني ؟؟؟
اذا قارنتي بتتعبين دعي الخلق للخالق واذا درس بحكومي وش يصير ولاشي عادي
وجدهم شي راجع له وهو حر بماله وله رب بيحاسبه عليه اجل يروح لاابوه درس ولدي على حسابك زي عيال اخواني
والله فشيله معليش ان جت من الجد ولا مب لازم
ياقلبي لاتقارنين بغيرك ولاتجادلينه بشي ماسواه ترى بيهج 😑😑

هههههه فيه مثل عندنا مد رجليك علي قد لحافك اتمني وصلتك الفكرة
اعود بالله من الحسد يا ساتر

عندنا فالإمارات مثل يقول
الدياية بتموت و عينها فالسبوس
مثلج و شرواج
يعني انتي الحين أهم شي عندج تخلين عمج يصرف عليكم
بأي شي
بيت ولا سفر ولا الحين مدارس العيال
أعوذ بالله من الحس