اختي الكريمة
مادام ان هذا شئ جديد فأصبري حتى يزول ,ولاتطولين النقاش معه وانسحبي بهدوء ,واذا شفتيه هادئ ومزاجه زين كلميه بهدوء ونعومة وقولي له انتي زوجي حبيبي تاج رأسي كيف يطاوعك لسانك انك تقولي ح......,وقوليها بزعل وحسسيه بفداحة اللي هو يقوله ,وذكريه ان الكلمة الطيبة صدقة وانك زوجته اولى الناس بالكلام الحلو,وانك تخافين انه يعتاد على قولها ووو.......وقولي اللي بخاطرك .




&&&&لاتجي وحدة من بنات حواء الغاليات وتقول هو يسبها ويتلفظ عليها وانتي توصينها بالهدوءءءءء&&&&&&
يااختي....اعتبريه مريض (وهذا اللي حاصل بسبة الالفاظ السيئة )وهو زوجك فعالجيه والعلاج يحتاج صبر ووقت .

&&نأتي لأمر آخر هو عتبان عليك انك ما خبرتيهم بالاجازة ....المفروض رديتي عليه برد مفحم وقلتي قدر الله وماشاء فعل ,لعل الله صرف عنا شر ,ولا اعتراض على امر الله .,وهكذا في كل امر يعتب عليك ردي برد موجز وحكيم
وعليك بالدعاء دائما .
اسأل الله الكريم ان يسعدك في الدارين ويوفقك في حياتك .

اسمعيني احقرية وطنشية ولا تسئلين عنه قومي بواجباتك ك زوجة واي شي عودتيه عليه غيريها كنتي تتكلمي معاه وتسولفين خلاص حسسيه بانك مو مهتمة فيه وان قالك حيوانه نظريه نظرة فيها تقرف وسكتي وبس يعني حرب نفسيه لين ميتعدل

انا الى الان ماتزوجت لكن بقول شىء لعل الله يفتح لك باب الفرج

الرجل يحب انك تمدحييييييييينه (طيريه بالعجه هههههه) المهم امدحيه قولي له مثلآآآآ انا احبك وتعجبني شخصيتك حييييييييييل لكن لو تترك صفة السب والشتم كاااااان ماخلق ربي مثلك او كااااااااااااامل الاوصااااااف او اي شىء تحسنه يميل مع هالتعليق له ويرخي له مسمعه .....وجعل ربي يهديه ويصلحه ويحببه فيك ويسخره ..........

طيب انتي قلتي انك ماتسمعين الكلام ؟

الاعتراف بالحق فضيله

اختي الرجال يبون الحرمه تكون نبيهه وفطينه وتركز على كلامه ...... مايبيها مثل الاطرش بالزفه
بعدين هو معصب عليك....... وتطلع الفاظ منه مو بأرادته ........ عادي مايقصد !!

اعرف اب قمه في الاخلاق والانسانيه واذا شاف بناته سووا شي غلط مثلاً ماسلموا عليه زين لارجع من سفر ..... قال يابقر .. :)

بس مو معناته انه قاصد بالتجريح بس قصده وقتها انه حازه بخاطره ومعصب من هالشي


بعدين ياحبيبتي زوجك اكيد يمر بظروف قاسيه بهالغربه .......وانتي جايه بارده مبرده تقولين نسيت :) وهو متحمس بيشوف وش سويتي :)

شوفي لو كان قايلها بلحظه صفا كان قلت شيلي شنطتك وروحي لأهلك .... بس هو قايلها بلحظه غضب ....... انسيها وابلعي العافيه

واكيد طبعك غير عن طبعه ........ هو يتنرفز ويفلت لسانه وانتي شكلك مبرده اعصابك .. صح؟؟

انا طبعي لاتنرفزت احيانا (مو دايم) يفلت لساني على اقرب الناس وبعدين اندم وابكي :)

الله يسخره لك وينزل على قلبه السكينه

حبيبتي بيكون ردي غير وياليت تتقبلينه ياقمر وياليت بعدد تحاولين تقتنعين فيه وتطبقينه ان امكن


شوفي حبيبتي قبل كل هذا بسئلك سؤال وجاوبي بصراحه .. اذا تبين تجاوبيني بالخاص او هنا العام اووو حتى تجاوبين نفسك انتي مو شرط نطلع على اجابتك!!
هل انتي معطيه نفسك قدرها ؟
هل انتي مهتمه بنفسك شكلا ومضمونا؟
هل انتي تفكيرك واسلوبك وكلامك ونقاشك معه ومع غيره راقي ويفرض احترامك على الاخيرين؟
يعني حبيبتي ممكن انتي مهمله بشكلك فهو شكله صوره انك انتي اقل من البنات ومامله عينه واستهان فيك
او ممكن انتي اسلوبك ومعاملتك معه خلته يستهين فيك مثلا تحكين معه فلانه شفتها الغبيه الحيوانه ....الخ او رحت تحت للسوبر ماركت والمحاسب حيوان اخرني او او او هذي الاشياء ترى تطبع بذاكره بعض البشر والناس شخصيات
لكن لو انا كلامك دائما موزون ونابع عن مثاليهممتازه غصبا عليه بستحي انه يتلفظ كذا
والشي الاهم تتطلعين على اهتماماته وتنفذينها الرجال انواع ممكن يحب المراءه اللي حاطه لنفسها بروتوكول معين لبس راقي بشكله ليس بثمنه بالاماكن العامه ان طلعت تكون واجهه له بالتعامل بطريقه المشي بالهدوء بالذوق بكل شي
ممكن انتي مقصره بهذي الاشياء اللي هو يتمناها بزوجته فاانصدم فراجعي نفسك اختي
طبعا كل الكلام اللي فوق انا افرضاحتمالات ممكن انتي شيييييييي اكبر واكبر واكبر من الكلام اللي قلته
الشي الثاني حبيبتي
ممكن انتي سامحه له يتهاون وانتي مو داريه
يعن شخصيتك ضعيفه عنده \\ اذا انتي شايفه كلامي اللي فوق لايمت لكي بصله وانتي مسويه امورك على اكمل وجه فاانتي انسانه لازم تفخرين بنفسك وثقتك بنفسك تكون كبيره
يعني ممكن انك انتي مستهينه بنفسك قدامه او هو حس انك مهزوزه الثقه وتقوى عليك عشان كذا حاولي تعززين بثقتك بنفسك انتي مو ناقصه شي وعلى قولتك ندرسين وبرى معناته لك من العقل والثقافه اللي يحق لك تفخرين بنفسك لانك رزقتي بنعمه من الله صعب اي شخص يحصل عليها ناس كثير متوسطي التعليم في بلادنا وكثير من الفتيات لم يتعدو المرحله الثانويه
عششششان كذا احرصي بتغير نظرتك بنفسك وبينيله اني شخصيه جميله ثقتي بنفسي كبيره بلا غرور الحمد الله عندي من المؤهلات اللي تعجز الفتيات غيري من حصولها لا اسمح الغلط بشخصي ولا لغيري
النقطه الثالثه
اذا كان كلامي اللي قلته كله مطبقته والتقصير كله من زوجك فحطي احتمالات كثيره
1- ممكن كلمه حيوانه او غيرها في لسانه دائما كان يقولها للشباب لاخوانه او متعود منذو زمن بسبب المزاح الدائم فلا تاخذينها بحساسيه زياده وتقلل من ثقتك بنفسك وواجهيه بهدوء وكل حكمه وعقل ورزانه انو انا انسانه اكبر من هالكلام ماحب اسمعه ولاينقالي وانت انساااااااان كبير والكبير الله وعارفه انك بتحترم لرغبتي
2- لو قالها من ضغط ولا عصبيه فكل رجل او امراه ان عصب ممكن يتلفظ بشي لايقصده ابد وممكن من العصبيه قالها وحزت بخاطره لكن كبرياءه ماسمح له يعتذر او يحسسك انه غلط فلاتكبرين الموضوع وحليه ودي وان شاء الله مايتكرر
3- اذا تحسين ان زوجك هو السئ وانتي ماجا منك تقصير ابد ( فاادعي واستخيري وتقربي من ربك وحاولين تسعين بكل طريقه لتجديد حياتك واكمالها وان ماحصل فتصريح بااحسان ) وترجعين لاهلك معززه نكرمه بدووون ماتعالجين الغلط بغلط
انتي اكبر من الكلام اللي قلتيه ( مخدرات وتكسير واستهانه بنفسك )
وليه عشان شخص تهدمين عمرك وتضيعين دنياك واخرتك
والدنيا مو واقفه عند نقطه معينه ولكل جواد كبوه
اخيراااا
شووفي كل مساوئك وعالجيها بشكلك بشخصيتك بمضمونك باهتمامك في بيتك وعائلتك
شوفي كل ايجابياتك وعززيها وكبريها ونميها واكسري عين كل شخص يستهين فيك
ان كنتي تحسين فيك نقص فكل شخص فيك نقص لكن حاولي تصلحينه وتوصلينه للكمال ولاتبينين ضعفك ونقصك لاحد
مثال بسيط فتاه اقل مستوى من زوجها بكل شي قبل ماتتزوج وش سوت حاولت تسدد بعض نواقصها مثال بسيط زوجها من الطبقه الجيده راعي سفر ولغه انقليزيه وهي لا تعلمت الانقليزي ومبادء منه وتثقفت عن جميع البلدان عشان مايحس انها اقل وهذا شي تفه وبسيط بس عشان اوضح لك الصوره ماشاء الله عليها الله يسعدها
اتمنى كلامي مايزعلك انا صارحتك عشان نفسك
مع اني قاعده اشوف فيك اشياء جميله هدوءك وقاعده تكملين دراستك بمكان صعب ومتعايشه مع الغربه
(( يارب ياكريم يامجيد الدعاء ياقادر على كل شي ياميسر الامور يسر امور اختي والف بين قلبها وقلب زوجها وكبرها وجملها بعين زوجها وكبره وجمله بعينها ياكريم ياااارب اهدي سرهم وجمعهم بالخير وارزقهم بحياه هادئه وهنيئه واجعل زواجهم زواج العمر بصحه وفرحه كامله ياقادر ياكريم