اسال الله الكريم رب العرش العظيم ان يشفيه
عليكم بالرقيه الشرعيه

اختى ثلوج ياقلبي طمنتيني

وعندي اسئله ابيك ياعمري تجاوبيني عليها

زوجك كان متقلب يعني كل شوي له راي

وتحسينه احيانا يموت فيك واحيانا ماتهمينه

وتحسينه عديم مسؤليه نوعا ما هذا اذا كان في حالته الطبيعيه

اما وهو مريض كان يكرهك ويكره عياله وتحسينه يائس من الحياه؟

اتمنى اني ماثقلت عليك

الله يشفيه ويعافيه ويرده لكم ردا جميلا
حاولوا ماتتركونه لحاله واهله لازم يعرفون حالته وين وصلت

اختي خولة .. بداية أسأل الحي القيوم باسمه الأعظم الذي اذا سئل به أعطي واذا دعي أجاب أن يشفي زوجك ويرده سالمأ معافى ويكيفيك كل مايهمك من أمر الدنيا والآخرة
أختي الحبيبة أنا مريت بنفس تجربتك وكل اللي قلتي عليه حاسة فيه .. بزيادة أن زوجي عصبي جدا وكان يمد يده علي .. ودايما يفكر بأشياء سيئة عني وعن أهلي والحمدلله
شوفي بقولك خطوات عملية ومعليش تحملي اطالتي :
1- أول شي عليك بالصبر ثم الدعاء والله أني مجربة ومافيه مثل الدعاء في ثلث الليل الأخير .. وانتي تناجين ربك وتسألينه أن يشفي زوجك ويصلح حالكم..
2- أغلب الأدوية النفسية تؤثر على قدرة الرجل الجنسية .. فاحتمال كبير ان زوجك تعبان من هذه النقطة بالذات فلا تشدين عليه وخليه على راحته .. بعدين اذا تعود جسمه على الدواء يرجع بس خلي الأمر طبيعي .أيضاً الأدوية النفسية تسبب خمول شديد جدا بحيث انه الشخص ماوده يتحرك من فراشه دايم نايم وتعبان وهذا ايضاً يروح مع الوقت بس لاتضغطين عليه وراعيه .
3- حاولي دايما تشدين من أزر زوجك وتورينه النعم اللي تحيط فيه من كل جهة من زوجة وأطفال وصحة وأمن والحمدلله .. معليش لاتقولين انا باتعب بالعكس هذا كله في ميزان حسناتك بس اصبري واحتسبي.. دايما قولي له انت سندنا وتاج روسنا مانستغني عنك والله لايخلينا منك وبيني له انك وحدة متمسكة فيه مهما حصل وانك زوجته وحبيبته مثل ماهو زوجك حبيبك .. كبر يالأشياء البسيطة اللي يسويها وشجعيه واكثري من الدعاء له وهو يسمع .. الله يشرح صدرك ويسعد أيامك .. الله يبلغك بعيالك وتشوفهم يسرونك ويبرون فيك ..
4- افتحي أمامه مجالات جديدة من الأمل وسولفي معاه سواليف توسع الصدر مثلا عن تصرفات عيالكم الطفولية أو مواقف طريفة ترى المريض مرررررررررة يحتاج اللي يبث فيه التفاؤل مهما بين العكس ,, سوي قهوتك وحلاك وروحي شموا هوا بأي حديقة أو مكان جميل .. وخلي القرآن دايماً مشغل ببيتك .. وفي السيارة ,, سبحان الله يهدي النفس ويشرح الصدر ..
5- شددي على حسن الظن بالله وأن هذا اختبار من الله لك وله عشان يشوف مدى صبركم ويغفر فيه ذنوبكم .. وحسن النية والظن بالناس وعدم حمل تصرفتهم على الجانب السيئ ..
الله يطمنا عليكم ولايسمعنا الامايسر عنكم .. آمين

نسيت أقولك ياخولة الدواء لازم ينتظم عليه أقل شي 6 شهور ولايخليه ولايوم لأن كذا بيعطي نتيجة عكسية وانا اكثر شي تعبني ان زوجي كان ياخذ الدواء فترة بعدين يزهق ويتركه .. وحالنا ينقلب .. مرة نصير مرة هادين .. ومثل ماقلتي تحسين انك روحه .. ومرة تحسين انه وده يذبحك انتي وعيالك من الكره.. وبالنسبة لللاستشارة فأنا اذكر ان فيه في عيادات الدكتور الصغير بالرياض اكثر من واحد كويسين والله .. الله ييسر أمرك ياعمري ولايضيق صدرك فيه مثلك كثير والحمدلله .. أن الله مالبتلاك بزوج سكير ولا راعي سفر وأمراض .. الحمدلله هذا عارض بسيط وبيروح ان شاء الله ويصير سواليف..وأغلب الناس في هذا الزمن تعبانين نفسيا من طبيعة العصر وضغوطه والله يصلح الحال