زوجي يكرهني

مسا الخيربنات انا زوجي احسه ما يحبني من نظراته ومن تصرفاتهادري اني كنت قاسيه معه لكن بسبب شي يسويه هو اكون قاسيه شوي لكني طيبه جداً لما يكون زين معاي.طبعا بدايه زواجنا عادي لا تغزل فيني ولا شي بس عمل العمله وخلاص.وهكذا لمده سنه وعادي ما احس بحبه وإعجاب لي مع اني الحمدلله حسنة الشكل ومرتبه واصغر عنه ب11 سنه تقريبا وكاشخه واحب اتعطر.هو احسه اكثر شي يعجبنه اخواته وكل شي فيهن يعجبه وسوالف وضحك مع انهن عاديات والناس كلها تقول اني احسن من اخواته ومن بنات عايلتهلكن زوجي والله احبطني صرت اشوف نفسي قبيحه جداً بسبب زوجي لا يحب يجرب مني ولا يحب يسولف معي ولا يغار علي حتى لو جالسه فوسط رجال. ويحب امه ويغار عليها. باختصار بنات عايلته يموت عليهن وانا مهما سويت ابد ما اعجبه.والله ماني مصدقه اني تزوجت واحد ينعجب بحد ثاني وانا ولا شي، كنت متوقعه ان الي بتزوجه بيموت فيني.الحين نحن5 سنوات متزوجين والحال نفسه أبدا ما تغير شي. ودوام كل يوم ومافي اجازات والغرفة بس للنوم والأكل وطلعه للشباب. والله حياته هو مستانس وعادي ما يفكر وشكله اصغر عني وانا من التفكير طالعه اكبر عنه.انا ما عندي صديقات كثار عشان اغير جو وحتى لو عندي2 او3 زوجي ما راح يخليني اطلع معاهن هو يحب اني اكون فهم وحزن يفرح لما ما اطلع مكان يفرح لما ما عندي صديقات.ودوامه شفت واحيانا اضطر اروح مع اهلي السوق ويتضايق. تخيلو حتى السوق ما يريدني اطلع ليس غيرة ولكن ما يريدني اغير جو وافرح شوي.هو لما اناافرح هو يتضايق واذا انا متضايقه وحزينه احصله فرحانأعوذ بالله من الحسدولما يشوف امه وخواته يلبسون وكله طلعات ورحلات هو ينبسط وايد وايداما انا مدري ليه هذا الرجل كذيلااله الا انت سبحانك اني كنت من الظالمين حسبي الله ونعم الوكيللا حول ولا قوة الا بالله.