زوجي يكرهني

خواتي ياليت تدلوني على الطريق الصحيح
انا متزوجه من 4 سنوات بدلية زواجنا كان زوجي يحبني واذا هاوشني يتراجع عشنا ايام حلوه وانا ماقصر معاه طلعت له سياره اثثت بيتي اساعده بمصاريف العيال المشكله كل سنه عن سنه يتغير صارت مشكلنا يوميا صار اناني مايحب الا نفسه مع الايام حسيته صار يكرهني مو طايق يطالع بوجهي ودايم يقول لو عيالك كنت طلقتك صارت بيني وبينه مشكله كبيره وتدخلو اهله وطبعا اهله وقفو بصفي لانهم عارفين ولدهم صار يدخل برامج بالجوال وتهاوشنا ومسحها بس مقهور مني لاني علمت اخوه كان يضربني وعرفو اهلي وهددوه وماصار يضرب والحين حياتنا صارت رسميه دوام اكل نوم جوال وانا ناسيني تماما والله لما وحده تتكلم وتقول زوجي قال وقال اقول بنفسي ماشاء الله زوجها يسولف معها حاولت معه نتبادل الكلام لكن ابدا مافيه اي تفاعل منه حتى لوسالته سؤال بسيط يقول مالك دخل عندك مانع واليوم يدعي علي بالموت عشان يرتاح مني احسه يكرهني وهذا مدمر نفسيتي انا احبه واغار عليه والجوال مسبب لي مشاكل معه ولا ادري شلون اتصرف تعبت من الوحده اهلي بعيدين عني والمجتمع الي انا فيه منغلق من الصبح لليل وانا اكلم نفسي دعواتكم