زوجي يكرهه اخواته واخواته يكرهونه💔

السلام عليكم ورحمة الله
قصتي اني الحمدلله انا انسانه حالي في بالي وطيبه مو راعية مشاكل مُسالمه
خطبني ولد عمتي انسان راقي مؤدب اخلاق ماشفت منه الا كل خير ياليت كل رجال العالم مثله احمدربي الي رزقني فيه
اخوات زوجي في سني وانا قريبتهم اعرفهم من واحنا صغار مع بعض بس ما احتك فيهم كثير لانو مااقابلهم الا في السنه مره
ابوهم مات من فتره وانا ارحمهم ابغى اسعدهم بقدر الاستطاعه
من لما تزوجته وانا اطلبه نطلع نتمشى مع اخواته او نروح معهم مطعم استغرب من ردة فعله؟ يرفض
او يأجل يقول بعدين وحالياً صرنا 2 متزوجين ولا طلعنا معهم مكان نهائياً
واذا اجتمعنا على عشاء عند عمتي يكونون هادين ولا يتكلمون مع بعض ؟!
بس انا وعمتي الي نسولف او يتكلمون مع عمتي او معي بس مايكلمون اخوهم او هوه يكلمهم؟!
اذا شافوني اخوات زوجي يكونون صامتات احس ما يبغون يحتكون فيني
دايم ابغى اقوي علاقتي معهم احسهم مايبغون؟
سمعت من ناس انهم لما كانو يخطبون لزوجي اخواته رفضون يدورون له ورفضو صديقاتهم وبنات عمي الي من سني الا انا وافقو علي؟؟ يعني انا ما اهمهم ؟؟
انا ساكنه معهم في بيت واحد دايم يعزمون بنات عمي الثانيات الي في سني لاننا كلنا سننا واحد ولا يدعوني معهم ؟!
اسمعهم يسمرون ويتعازمون ويطلعون يفلونها معهم ولا يعزموني؟!
ولا مره دعوني اسمر معهم
انا اروح ازور عمتي يمكن كل اسبوع مره او مرتين
مايطلعون يسلمون علي الا اذا امهم راحت تدعيهم غصب
واسمع بنات عمي معهم في الغرفه وانا مع عمتي في الصاله؟؟
سافليني كأني جدار؟!
حتى ما قالو تعالي اقعدي معنا شوي !
انا ادخل اسلم عليهم واطلع مع عمتي لاني اعاملهم بأخلاقي واستحي يعرفون اني في الصاله ولا سلمت مع انه ماادري من الي مفروض يستحي
لو انا اكبر منهم اعذرهم بس في عمرهم حتى بعضهم اكبر مني وبنات عمي الي معهم بعضهم متزوجات حتى بعضهم معهم اطفال والي حامل؟!
ايش معنا انا ؟!
لما تخرجو من الجامعه اهديتهم هديه ومن فلوسي الخاصه وغاليه
وانا لما ولدت كل الناس جابولي الا هم ؟!؟؟؟
انا ابغى اعرف ليش يسون فيني كذا يكرهوني ولا ايش؟!
حتى زوجي مسكين هوه الولد الوحيد وهم بنات كثير
شايل همهم ابوهم مات
مفروض يحترمونه احسهم مايحترمونه وبالعكس يتعبونه
دايم زوجي اذا جاء من عندهم يكون معصب ومتنرفز
دايم يتعبونه والله اني ارحمه المسكين
ايش الحل والله نفسيتي تعبت منهم اذا شفت زوجي متنكد انقهر عليه اخاف عليه احسه متعب نفسيا وجسديا منهم حتى راح المستشفى لقيو عنده القلب عليه اجهاد وسببه التعب😭💔ياربي انك تحفظه لنا يارب
وليش يتصرفون معي كذا ؟!
والله اني اذا لقيت شئ حلو فيهم او تصرف اقول لزوجي ابغاه ينبسط واحاول احببه فيهم لكن للأسف احس بينهم شئ ما اعرفه قوي
ابغى اسعدهم واسعد زوجي واسعد نفسي تعبت من ذي الحياه
تكفون ساعدوني الله يجزاكم خير

😢💔