زوجي يكلم حبيبته😭ارشدوني

😭مرحبا بنات .. ارجوكم مالي غيركم استشيرة تكفون علموني شسوي حايره بعمري وابي راي حكمة
.. زوجي وقت الملكه قالي ان كان يحب وحده خليجيه معاه تدرس ويقول تعلق فيها بسببي لان خطبني تقريبا ٤ مرات ورديته .. ف تعلق بذي وحبها وصارحني بكل شي .. والحين لنا ٣ سنوات متزوجين وعندي ولد .. المهم قبل اسبوع كذا صار يحط اغاني قديمة مره ويقول تذكرني ب ايام لما كنت ادرس ويسالني هل حبيبتي قبل وكذا من ذي السوالف انا شكيت وسالته كل ذا براحبة صدر قلت شكلك كنت تحب قام يضحك قال لا قلت الا يبين عليك من نظراتك وضحكتك لما سالتك ومشى الموضوع ع ان ولا شي وان لو يحب قالي .. بس امس قالي بصراحك تدرين ان كنت احب وحده خليجيه لما كنت ادرس برى قلت اي انت قلت لي مانسيت ايام الملكه وقام يتكلم عنها انها تدرس طيران وانها من عيله متفتحه ولها اصول امريكيه و تركيه و قالي تدرين اني لما لما اخذت القرض حق اخطبك كنت ناوي اروح واتزوجها لو ماوفقتي بالمره الاخيره ( هنا صدمني ) المهم انا مشيت الموضوع عادي ع اني انقهرت وبنفس اليوم دخلت جواله برسل لي ملف بالايميل و القى اسمها وان مراسلها اليومين ذي وان يفكر فيها ويبي يعرف اخبارها بس ماقدرت اكمل باقي الرسايل بنات وربي بمووت قهر ميته قهر طول يوم ابكي و من شوي دخلت الابتوب واشوف ان فاتح الايميل الي يكلمها منه وشايل الباسوورد ع الرغم من ان باقي ايميلاته و جواله اعرف باسوورداتهم معلمني عليهم الا ذا الايميل
حتى امس باليل لبست له وقت النوم وشي جديد ولا حتى عبرني مثل كل مره كأن شايفه من قبل وبعدها قال انا بنزل انام بالصاله ابي اكل جوعان و اشاهد تلفزيون انا مارضيت قلت خلك نام هنا ليش يعني تبي تنام تحت خلاص لان صار له فتره ينام بالصاله بحجة ولدي يبكي او ماياخذ راحته بالسرير ضيق لو جى نام ولدي معنا
والله يابنات مو طايقه اشوفه وطول الوقت جالس بمكتبه ويسمع الاغاني القديمه وانا اموت من داخلي شورو علي شسسوي ابي راي حكيم ارجوكم الي مرت بتجربتي شسوي .. ليش يعني كذا الرجال 😭 ع الرغم من ان هو الي بغاني وخطبني عن حب بس ليش كذا يسوون مو فاهمه ليش