اولا السلام عليكم ورحمة الله انا بهم لا يعلمه الا الله عايشه بهم ولا ادري وشلون اتصرف بقولكم قصة حياتي وانتم احكمو وعطوني حل لاني محتاجه لنصايحكم الله يخليكم تزوجت وانا صغيره وحبيته وحبني بكل معنى الحب وبيني وبينه 9 سنوات وكان وبيننا 4 اطفال والحين لنا 11 سنه متزوجين وعمري الحين 30 وهو 39 سنه المهم هو فيه ميزه انه عصبي مره لكنه حنون ويخاف علي لكن الفتره الي فاتت من تقريبا 4 اشهر تغير معي تبي تستغربون من كلامي انه ما تغير للأسواء بل تغير للأحسن وبعد فتره لقيت بجواله مكالمه لم يرد عليها والجوال ما دق ولا سمعته ابد ولا كان على الصامت يعني عام قمت فتحته ولقيت اسم بس مو اسم شخص لقب شكله كاتبه عشوائي المهم فتحت على الاسم لقيت مسوي له نغمه هدوءءءءءء يعني نغمه بدون صوت وافتح السجل والقى مكالمات بالهبل ورسايل من والى هذا الرقم ومكالمات صادره ووارده اخذت الرقم وسكتت قلت بتأكد من هذا الرقم دقيت عليه ردت علي بنت صوتها واااااااااااااو قلت لها بعصبيه من انتي قالت انتي من اتني قلت انتي وش تبين قالت انتي اللي داقه وش تبين قلت هذا جوال نوال قالت لا وسكرت الخط والله يابنات كنت بدوامي يوم دقيت بغيت ادوخ من القهر وكأن انكبت ماء نار على ظهري قلت لنفسي خليكي هاديه ولا تتسرعين ابو فلان مو راعي هذي الحركات والله لو ايش هو يخاف ربي وكمان يحبني وانا مو مقصره معاه ابد حتى هو يقول انتي كامله والحمد لله اني اخذتك وانا واعوذ بالله من كلمة انا حلوه بشهادة الجميع ولا ناقصني شي ومتوظفه ومساعدته وضاغطه على نفسي واخذه قرض عشانه وشرينا سياره وكل هذا عسل على قلبي لكن بعد ماسمعت البنت انهبلت ومسكت نفسي مدة شهر وقلت ابتابعه واتابع السجل لأنه كان يمسح الرسايل والمكالمات وكل يوم نفس الحال قلت لنفسي خلاص لازم اواجهة بعد ما استخرت ودعيت قمت واجهته وتغير وجهه وقلب الموضوع قالي ليش تفتشين وتجسسين من وراي قلت الله اراد اني اكشفك بالبدايه قال ايه انا تعرفت عليها وهذا من حقي اخذ اربع قمت عصبت وصارخت قلت انا وش مقصره عليك فيه وش تبي قلت له انت بايعني ولا تبيني طلقني ولا انا بحاجتك وخذها خلها تنفعك يوم شاف الصدق بكلامي قال هذي مشكله كبيره فيها حياة ناس وخراب بيوت وانا احل المشكله وانا بهم ارحميني مقدر اقولك شي الحين اصبري بعدين تعرفين قلت اذا ماعلمتني الحين ماني مصدقتك قال بعلمك بس مو الحين (( شكله توهق ولا يدري وش يقول قام اخترع هالسالفه ولا قاله لانه مايدري وش يقول ولا يقدر يوهق احد عشان ما استفسر )) وقام يحلف ويقسم انه ماله علاقه بها ويحلف على المصحف واني ظالمته انا اسكتت وقلت ميخالف وبعدها انقلب عصبي ويهاوش على الطالعه والنازله والادهى والامر من هذا اني دقيت عليها من رقم ثاني يوم ردت قلت الو سكرت بوجهي شكيت اكثر انه قايل لها لاتردين عليها مدري يابنات منقهره حدي ولا ادري وشلون اتصرف شورو علي فكرت اروح لأهلي واطلب الطلاق عشانه خدعني وصرت ادق عليه ولا ترد علي انقهرت قلت برسل لها رساله وفكرت وهونت اخاف يصير كلامه صحيح وانا ظالمته وظالمتها مدري وش الصحيح مدري وش اسوي انا قلت له اذا بالحلال ومتزوج علي علمني ترى اهون علي من الحرام واللعب ببنات الناس خاف الله
بنات انا تغيرت حالي وكل من شافني قال وش فيك متغيره وشكلك مهمومه حتى اهلي لاحظو علي مع اني ما اشكي لأحد شورو علي كيف اتأكد من انه ماله علاقه معها وعلى فكره الرقم طلع باسم بنغالي وهذا اللي مجنني
فآهمه الدنيآ صح @fahmh_aldnya_sh
عضوة جديدة
يلزم عليك تسجيل الدخول أولًا لكتابة تعليق.
*همس السحر*
•
ماعندي حل غير هالدعوه الله يسخره لك ويحببه فيك ويصرف عنه الحرام
ياقلبي الله يصبرك
طيب انتي اللحين كشفتيه طيب ماوعدك انه يتركها
لازم تجلسين معه جلسه مصارحه وتقولين لازم ننهي الموضوع اللحين ياانا يااهي عشان ترتاحين ماتقعدين تاكلين بعمرك
بس انصحك لاتهملين بنفسك وخليك هادئه معاه وشوفي ايش بيقول لك وش بينه وبينها
وعليك بالدعاء وبالذات اخر الليل والله اني مجربه
والله يرده لك ويبعد عنه بنات الحرام ولا يشوف غيرك
طيب انتي اللحين كشفتيه طيب ماوعدك انه يتركها
لازم تجلسين معه جلسه مصارحه وتقولين لازم ننهي الموضوع اللحين ياانا يااهي عشان ترتاحين ماتقعدين تاكلين بعمرك
بس انصحك لاتهملين بنفسك وخليك هادئه معاه وشوفي ايش بيقول لك وش بينه وبينها
وعليك بالدعاء وبالذات اخر الليل والله اني مجربه
والله يرده لك ويبعد عنه بنات الحرام ولا يشوف غيرك
والله ماعندى حل لكي غير دعوه بظهر الغيب ان الله يسخرلك زوجك ويبعد عنكم عيال الحرام ويصرف قلبه وعقله عنها وادعي الله ترى الدعاء مخ العباده
نانا369
•
الله يصلح حالكم ويرد لك زوجك ردا جميلا
ولاتتركيه وتخليه لها وحدها
انت ادرى بزوجك وطبعه
لازم تخوفيه ان اذا تزوجها حتخلي له اطفاله بوجهه وترجعي لاهلك
واهلك ماحيسكتوا
مااعرف انت ادرى بظروفك
ولاتتركيه وتخليه لها وحدها
انت ادرى بزوجك وطبعه
لازم تخوفيه ان اذا تزوجها حتخلي له اطفاله بوجهه وترجعي لاهلك
واهلك ماحيسكتوا
مااعرف انت ادرى بظروفك
لين444
•
خذي موقف جدي منه الحياه مو لعبه
قال ايش فيها حياة ناس (هو ويها ) وفيها خراب بيوت (خراب بيتك )
الرجال كلاب بس تشر له الوحده عمر بيتها وخرب بيت زوجته مالت عليهم
لاتعطينه وجه قومي بواجباتك كامله وخليه يولي وقليله من يوم فتحت هذا الباب معاها سكرت باب معي ومافكرت فيها وانت معتبرني عندك شي بعتني بزباله تعرفت عليها على الجوال من باعني برخيض ابيعه بلاش رحلها خلها تنفعك وعيشي لنفسك وعيالك ماكنه موجود بعد ماتعطينه كلمات في الصميم ولاطالعين حتى في وجهه في النوم لاتطلعين من غرفتك بس ماكنه موجود وان كلمك برسميه تردين عليه خليه يفكر ان وجودها في حياته فيه خراب بيته خليله فرصه يستنتج من نفسه ويقرر من نفسه .
قال ايش فيها حياة ناس (هو ويها ) وفيها خراب بيوت (خراب بيتك )
الرجال كلاب بس تشر له الوحده عمر بيتها وخرب بيت زوجته مالت عليهم
لاتعطينه وجه قومي بواجباتك كامله وخليه يولي وقليله من يوم فتحت هذا الباب معاها سكرت باب معي ومافكرت فيها وانت معتبرني عندك شي بعتني بزباله تعرفت عليها على الجوال من باعني برخيض ابيعه بلاش رحلها خلها تنفعك وعيشي لنفسك وعيالك ماكنه موجود بعد ماتعطينه كلمات في الصميم ولاطالعين حتى في وجهه في النوم لاتطلعين من غرفتك بس ماكنه موجود وان كلمك برسميه تردين عليه خليه يفكر ان وجودها في حياته فيه خراب بيته خليله فرصه يستنتج من نفسه ويقرر من نفسه .
الصفحة الأخيرة