زوجي يكلم وحدة وش اسوي فيه>>قديم

السلام عليكم ورحمة الله وبركاته اما بعد ......
بنات الله يخليكم زوجي كشفته انه يكلم وحده والي الحين يكلمها وانا عرفت رقم جوالها وخليته عندي قلت بعدين اتصل اشوف وشو هالرقم المهم وبالصدفة دقت هي علي تخيلو الجوال نفسه الاي عندي بكل بجاحه تقول اتفقنا انا وزوجك نتزوج شفتو وشلون والله اني انقهرت وتخيلو يا بنات ليش دقت ؟ دقت عشان تقهره لانه صار زعل بينهم وقفل جواله .

وتبون تعرفون وشلون عرفت رقمي كان زوجي العزيز يرسل لها رسائل من جوالي وانا يا غافلين لكم الله مو هذا المهم بعد هذا كله كلمتها وبديت اخذ واعطي معها وش تبغين فيه حرام عليك هو متزوج وعنده اعيال قالت بكل سذاجة انا احبه زوجك رومنسي قلت لها والله بس كلام
تخيلو وشلون تقهرني .........................

المهم هي راحت وقالت لزوجي ترى زوجتك قاعدة تحش فيك طبعاً الحبيب ما صدق قال ما اصدق هي تحبني ومستحيل انا فعلاً سبيته عشان اوضح لها كنت اقول لها هو ما عنده فلوس وانسان عادي المهم وش الاي صار هالكلبة فاتحه السبيكر واتكلم زوجي من جوالها الثاني واتسمع صوتي زوجي وانا قاعدة احش فيه :09: غبية استغفلتني وانا طيبة مرررررررره عاد عقب هذا كله هي قالت خلاص انا راح اترك زوجك وانا ما ابغاه فيه واحد متقدم دكتور وراح اتزوجه وابعزمك على زواجي علماً هالبنت بمنطقة وانا وزوجي منطقة ثانية تخيلو يا بنات زوجي كان انسجن بسبب دين عليه وانا الاي سعيت الين طلعته حتى اهله والله العظيم ما ادفعوا ولا ريال

وبعد كلامها قلت الله يوفقها وسكرت على الموضوع وفتحت صفحة جديدة مع زوجي وجلست حوالي 6 شهور

بس المشكلة فتحت جوال زوجي ولقيت فيه رسايل ورقم وعرفت انه رقمها كانت تكذب علي ما تزوجت ولسا تكلم زوجي بعدها زوجي انكر بس ما خليته فتحت جواله وهو ما يدري وقومته من النوم وخليته يشوف المكالمات والرسائل وقلت وشلون هي ما تزوجت ليش تلعبون باعصابي حرام عليكم والله اني تعبت نفسيتي بقوووة ولا انام مثل الناس

بعدها مسكت جوالي قدام زوجي وفتحت السبيكر وانا اصيح ودقيت عليها وبديت اصيح اقولها حرام عليك الله لا
يوفقك وهي بكل برود انا اموت فيه وزوجي العزيز يصرخ بوجهي ويقول سكري الخط وانا اسب فيها ورفع صوته قال سكري يا فرح اسمها فرح يا علها ما تفرح بدنيها يارب,,,,,,,, قامت وقفلت الخط في وجهي قال شفتي وشلون تسمع كلامي وانتي ما تسمعين شفتو وشلون قهرني :44::44: بس انا عارفه هي ما راح تزوجه:icon28: بس تلعب عليه علماً بانني ولله الحمد ما قصرت معاه في شي وهو قال هالكلام بس يقول شي بالنفس والله زوجي ما كان كذا بس هي غيرته حسبي الله عليها وغيرها من البنات الاي يلعبون على هالرجال ونعم الوكيل

وانا الحين الحمد لله ادعي ربي واستغفر كثير ,,,,,,

بس يا بنات عطوني حل انا احب زوجي واموت فيه وما اقدر ابعد عنه وعندي طفلين منه وش اسوي عشان ما تخرب بيتي هالكلبة حسبي الله عليها هالظالمة يارب تنتقم لي منها عاجلاً غير آجل


اللهم صلي وسلم على اشرف الأنبياء والمرسلين