السكوت والزعل ما يحل مشكلة لازم تتناقشون بهدوء وتقوليلو كل اللي بخاطرك بدلوماسية وهدوء
والله يوفقك

ياحبيبتي انا عشت موقفك الى هاللحظه وهو يعاكس بس انا جاتني حالة برود بس اضحك عليه وعلى قولتهم كل مزحه برزحه ولا طق في بالي خبره صحيح اني اغلي في داخلي بس مأبينله اقول انت خلاص خسرتني وانا الله بيعوضني ان شاء الله ويمكن يجي يوم اقول ياشين ذيك الايام والله ياعيونه بتطلع من هالكلام ومره قعدنا يمكن 6 شهور كلن ينام بالحاله مو مره منقطعين يعني اخليه يجي لحد عندي عشان يطلبني وغير الدلع ولا يسمع الا ضحكتي انا وعيالي والله انه يجينا ويغير نظام نومه علشان يقعد معنا ولا احرم نفسي من الطلعات ليش اضيق صدري وهو مبسوط

يعني حسسيسيه انك طفشتي من حركات المراهقين هو مستحيل راح يعترف الا من مزاجه ولا راح يتعدل الا من ربي ولا تركضين وراه ابد ابد واذا بغيت تخليه ينهبل سولفي عادي بالأولاد وبالسفر وبالناس يعني مكأن صار شي والله انه لينهبل مايدري ايش اللي يدوربراسك

ماعليش طولت عليكي بس مقهوره من هالنوعيه والله يكتب لنا الخير ان شاءالله

مرحبا اختي مثل ماقالت طيوف الاسى اعملي الي قالته طنشيه وخلي كل اهتمامك اولادك واصحك يشوفك مقهوره عليه ترى يزيد ويعاند هم الرجال كذا .......والله انا مثلك عملت كل شي تتوقعي علشان يبطل ومانفع شي .....الطريقه الوحيده الي نفعت اني وكلت امري لله وقيام الليل والاستغفار وان شاء الله راح تدعيلي ....لازم طولت البال...

مشكورين على ردودكم

ومشكوره اختي طيوف الاسى
وام سعودي وحمودي


بس المشكله صعبه

اطنش لاني انا متكله عليه في كل شي وامي وخواتي في ديره ثانيه

ولايخليني اوح ولااجي لحالي ولامع ولدي

وصعبه اقعد كذا احسه هوالمستفيد

وزوجي طبعه اقشر يعني لومااكلمه سنه مايكلمني

وصعبه انا ابدى بصلح صح ولالا

طيب انا بالشرقيه مالي غير رب العالمين لا اخت ولا اخ ولا ام كلهم بالرياض وانا الحالي واهل زوجي رسميه معهم ماجيهم الا بلأسبوع مره وأوقات اقعد شهر ماتعديت عتبة الباب ومن ناحية العصبيه مايدخل محل الا تهاوش فيه بس نناظر فيه انا عيالي ووجهه يصير اسود واذا فتح الموضوع اقول انت غلطان بس تعودنا عليك يعني صابني برود لااله الا الله
واخر موقف كنا بنحجز في الهولدي ان وتاخر علينا وهو تاركنا بالسياره وقال ولدي شكل ابوي تضارب معهم لمن جاء قال صح طولت عليكم قلت ايه بس الاولاد قالوا اكيد بابا تضارب والله انه قعد يضحك وهو مقهور ياختي لا نكون متزوجات نفس الرجال

اقول روحي تحممي واهتمي بنفسك وبعيالك وخليه لحدمايجيك بنفسه ولا تفكرين انه بيجيك اليوم او بكره يمكن يقعد شهور بس مو معناتها انك ماتتكلمين معه لا سولفي وسوي قهوه وحلا وحطي فنجان واحد وإذا دخل لاتفزين وتجيبين فنجان حطي نفسك لاهيه ليمن هو يقول ابي قهوه لاتضحكين علي والله ان السعاده بيدك مو بيده اهو الله ينصرنا ويكفينا بنات الحرام ياربي