حبيبتي تصرفك سليم اذا شفتية عصب وقام يلعن لاتردي عليه بس قوليله بكل هدوء انت قاعد تغلط على امي وابوي
وانتي بعدها ارسلي له مسج جامد على الجوال بس بادب وقولي له كل الي تبغين في الرساله بما انك ماتقدرين على المواجهه
وبعدها ولمى يهدى ناقشيه وقولي ترضى اقولك وانطقيها الله يـــــــــ..............؟
وش شعورك وترى العنه ترجع لامك وابوك وانت معهم وترى ماهو من فعل الرجال وبعدين اذا باقي عدتها بعد كذا ترى بتصرف بس ساعتها لاتزعل لانك انت الي بديت
وبعدها اذا عادها من جد والله انه ليندم اول فرصة يكون فيها برى البيت على طول دقي على ابوك بدون ما يدري واعزمية على القهوة
هو وامك وقولي ضروري تجون وحضري القهوه وا كرميهم وانتي ساكته اذا هو برى دقي علية وقولي ابوي وامي عندنا تعال حالا يبغونك وطبعن لاتقولين لهم شي اشتقت لكم وحبيت اعزمكم اتونس فيكم واشبع منكم
وخليه يدخل وهو وجه مثل قوس قزح كل دقيقه بلون واذا وتوت لك بشي اسكتي وخليهم يسولفون الين يخلصون
حسيت الندم في وجه كملي سكاتك وودعيهم بدون مايدرون او يحسون باي شي
شفتي انه وقح وما يستاهل فلا والله عدلي جلستك وقوليلهم العلم سلامتكم هذا لرجال هو عندكم وخليه هو يقول المشكله
بنفسه وانتي من عندك لا تشعلليها بس حاولي تحطين النقط على الاحروف بكل هدوء وانك عديتها مرة وثنتين وقلت له لوعدتها بتصرف وهذا الي صار وانتم الحكم وانا مارضى هذا شي لامة وابوه حتى ارضاها عليكم
وبس اذا ما تبغين امك وابوك جيبي واحد من اخوانك ونفس السيناريو
وشوفي كيف يحسب للكلمه الف حساب بعد كذا اذ كنه رجال واكيد بيحقد عليك كم يوم بس ماعليك تصرفي على سجيتك وانتي مبسوطة ومنتصرة لكرامتك وكرامة اهلك

مايستحي عل عمره وانتي قوي شخصيتك شوي وش يلعن واسك الباب واخليه ولله لو مكانك احوس البيت عليه مابقي غير هذي يلعن ابوي وامي

لا تسكتين لان سكوووتك بيخليه يتمادى زيادة
وهالمرة بينكم والمرة الثانية قدام أهله والناس

والله يسخره لك ويوفقك يارب

طيب زوجك يرضى انك تلعنين امه او ابوه وقفيه عند حده ترا الرجل اذا شاف زوجته ساكته تمادى وماتصير لها قيمه عنده كل مالعن اهلك خلي لك ردة فعل قويه عشان مايكررها وبعدين الله يهديه لعن المسلم كقتله

..


هذول أمك وابووك مو حي الله

ايش قلة الأدب !!
اللي مايحترم اهل زوجته مع احترامي لك موو محتــرم
احترامه لاهلك يعني إحترامه لك
وقفيه عند حده وإذا لعن قولي له
ولك عشرة أمثالهاا ترااك مصختهاا ولولا محبتي لامك وابوك كان رجعتها فيهم
وامدحي امه وابووه وقولي مايسوى علي العنهم وجيه الخيرر

خليه يحس على دمه و يستحي على وجهه


،