:16:للرفع:16:

والله أحب أحط نفسي بالموقف وأقول الحق
بدون تعاطف أو تحيز فلا تزعلي مني بالله وان بتزعلي لا تقري ردي من الآن




بصراحة انت بينك وبين نفسك تزوجتي وانت في بالك ان الكل حيعاملك بكره لان في مشاحنات مع أختك
وهذا فعلا اللي ترجمتي

يعني زعلتي من أخته لانها كانت بتيجي معاكم وتتصل على زوجك موضوع عاااااااااادي انها تتصل ما ودها تتأخر
وحتى لو الشي هذا يزعل ماهو شي كبير لدرجة انك للآن تكرهي أخته

ويوم قلتي لزوجك ان يحسدوني ومايحسدوني

حطي نفسك بالموقف
لو زوجك يحسسك ان هو أحسن من أهلك وخايف من اخوانك وأبوك لا يحسدوه هو وأخوانه
تخيلي رده فعلك

والله انت من بدايه الزواج فهمتي زوجك انك تكرهي أهله وانكم أفضل منهم مو ضروري بالكلام بالتصرفات
فهو مل وبدء يتنفر أو ممكن يكون يحبك لكن ماراح يبينلك هالشي لانك حسستيه انهم أقل منك

وببداية الزواج تقولي سينما
أقولك شي يضحك أنا اول أسبوع قضيتها بالبيت
لكن ماهي مشكلة لان الرجال والله مايعرفوا بالأمور هذه يعني مايفهموا اش التماشي ووين ترى يوم ناس يتزوجوا مثلا رايحين جده يسألوا زوجي وين نروح وين نجي مايعرفوا لهالأمور
وبعد ماجلست أول أسبوع بالبيت قلت لزوجي بهدوء ماعندك نية تمشيني قالي فين ودك ومن بعدها الحمد لله مع ان أول سفرية لنا والله كانت بس يالله عالسينما وأنا ماأطيقها بس كنت أقول نروح سينما وبعدها مكان أنا ودي أروحه يعني له ولي

صدقيني انت أخذتي الموضوع من البداية عناد لو حاولتي تتفاهمي مو تتخانقي لا تتفاهمي بهدوء تقوليله انت عارف اني عروسة وأتمنى اني أتدلع وأروح وأجي وتماشي كان بتلاقيه وداك لان بأول الزواج مابيعاند خاصة اول أسبوع

حاولي تاخذي بالتفاهم ولا تزعلي مني لكن لو بضحك عليك وواسيك ممكن أخليك تبكي بالأخير لان بتندمي

حتى لو ماتحبيه بتندمي لانك تشعري انك كنت لك جزء من الخطأ نظرا انك ماحولتي للتفاهم معه وتخيلي انه بالفعل تزوج غيرك وكانت عسل معاه ومع أهله والله بتتذكري ساعتها كلامي هذا وبتندمي أشد الندم
السب لا تسكتي عنه طبعا اذا انت ماتسبي بيكون بيدك الموضوع يعني بكل وضوح تقولي أنا محترمتك بالتالي أنتظر احترام مثل اني ماأغلط ما أسمح بالغلط

عالعموم الله ييسر لك أمرك

ومثل ما قلت لا تزعلين ياعسل

العيب فيك مو في الرجال غيري تعاملك معه احترميه وقدري اهله واخواته انسي اختك وزوجها وانسي معاملتهم
لها

اصلحي مابينك ومابين الله يصلح الله مابينك ومابين الناس

تقربي الي الله بالطاعات
اقراي طرق تعامل الزوجة لزوحها
اقراي عن الحياه العامة
ثقفي نفسك
علشان زوجك يقدرك ويحترمك

الله يفرج همك يارب
ويفك كربتك عاجل غير اجل

...
وكلام اختي akg ... عين العقل ... هذا الي كنت بقوله لك :)

لاحول ولاقوة الا بالله
شوفي عزيزتي انتم عائلة الشيطان حط بينكم ومدد رجلينه بعد وانتو فتحوا له الباب
نقل حكي اقاويل ترسبات احكام مسبقه نرفزه سرعة هجوم وما اعنيك انتي بلحالك اعنيكم كلكم ابتداء من زوجك واختك ومرورا باخواته انتهاء بك
مشكلتك مشبكه لان فيها اطراف كثيره غيرك انتي وزوجك
ومستحيل تحلينها اذا ما فندتيها الاهم في الاهم
شوفي ياكريمه زوجك ممكن تونين صادقه متاثر بكلام اهله وحقد على اختك وقام ياخذك بجريرتها وحقده عليها بس تدرين انتي مثله على طول ترجمتي اي تصرف لهم انهم حاقدين على اختك ومن ثم عليك رغم اني الاقي تناقض غريب ناس شريين ذاقوا المر من زوجة ولدهم وشوله يخطبون اختها لولدهم الثاني والمفارقه الغريبه كمان ناس اختهم تعذبت وعرفوا ان اهل رجلها شرانيين وشلون يقبلون يزوجون بنتهم لاخوه
تناقضات صح عموما اللي صار صار ونصيحه طلعي نفسك من علاقتهم باختك لان الان مافيه مقارنه بين حقوق الاخوه وحقوق الزوج صح اوقفي مع الحق بس تجنبي المقارنات والحقد عليهم وجر زوجك بالحقد لمجرد انهم يسيئون لاختك
واجبك ياعيني غير الدعاء والاستغفار بان الله يسخر زوجك لك ويرد كيد الكائدين في نحورهم ان تحسني النيه وتبدين مع نفسك بدون محد يدري فتح صفحه جديده خلينا نمشي معك خطوه بخطوه اذا فعلا ظنك بمحله وهم يشيشونه عليك انتي غيري ها الشي وخليه بتصرفاتك وحنيتك وانوثك ولجوئك الى الله واحترامك لنفسك اولا ولزوجك ثانيا يستغرب كلامهم ويرجع لك قلبا وقالبا لانه راح يشوف افعالك غير وصفهم
لا تدخلين باختك وتقولين حطوا لها وسوولها ابدئي معها بدون خنوع بدون اهانه لنفسك
خذيه بجلسه رايقه اول ما تشوفينه ادعي الله ان يسخره لك وما يدخل الشيطان بينكم وبلهجه هادية وصوت حنون قولي له يافلان انا احبك وشاريتك بس انت قاسي علي وش الغلط فيني واصلحه وصارحيه ولا تجرحينه قولي له (ليس المسلم بلعان ولا شتام ) قولي له (ليس منا من اتقاه الناس خشية فحشه ) قولي له انا رضيت فيك لانك كفو وماهمني المشاكل اللي بين فلانه واخوك علاقتنا غير وعلاقة الناس غير
قولي له اللي بينا الان سماه الله ميثاق غليظ مو لعب عشان نجرح في بعنا ونغلط
وخلي لنفسك وقت حدديه مع بداية صادقه شهر شهرين مع كل ها الامور بحول الله يتاثر ويغير فيه بسكوني صاااادقه نية وفعلا
اهله ممكن يكونون على كلامك يعاملونك بمكيالين بسبة مشاكلهم مع اختك بس نفس الطريقه اطلعي منها وعامليهم باحترام فقط وحسب استطاعتك (لايكلف الله نفسا الا وسعها ) انتبهي تسوين احزاب مع اختكقدامهم فيصور لهم الشيطان انكم تتحزبون عليهم او تتامرون ضدهم
تقربي من خالتك بس لا تتذللين
اخته اللي غلطت وماسلمت عليك وكبرت السالفه اعذري جهلها ومستوى تفكيرها وماعليك منها تعاملي باصلك وتربيتك وهذا اهم شي
شي اخير ولو ان الكلام اللي ودي اقوله كثير انتي منتي صريحه وواضحه وشفافه مع زوجك من الاول يوم رحتوا شهر العسل لجئتي لاختك تعلم اخوه وما تدلعتي وتدللتي شلون هو يعرف الغيب ويدري انك مو مرتاحه او ماتحبين السنما اخذتي لفه طويله عريضه وهو لمك وماصارحتيه
اخوياه والاستراحه لسى ما انفطم من العزوبيه اجذبيه مره باكله مره بدمعه مرة بشوق مره بكلمه
ولاعاد تذلين نفسك او ترضين لعن واهانه اتركي المكان وقومي لو عصب وانبي ضميره بقولة الله يسامحك او مشكور وروحي لاتقولينها باحتقار ووالله اذا هو انسان سوي وبشر راح يتغير واذا غير كذا فالله المستعان
خففي من سالفة امي وامي انتي بعد ما انفطمتي من امك
طبعا كل الكلام السابق الذكر لو خاطرك تستمرين معه او فيه عشم او محبه او معزه
واذا لا نصيحة تطلقي قبل لا تطلع للسالفه قرون وماعاد تنحل الا بمصايب
الله يفرج همك ويزيل كربك عاجلا غير اجل ياكريم
دمتم بود