زوجي يمدح غيري):

شوفي ياقلبي انا لي سنه وشوي متزوجه واطباع زوجك قريبه من اطباع زوجي بالنسبه لما يوعدك بشي و مايسويه قوليله انت وعدتني وانا من النوع العنيد اقعد على قلبه الين ماينفذ اللي وعدني فيه ولازم انتي اتعوديه على انه ينفذ اللي يقولك عليه

اما بالنسبه يمدح غيرك هذا زوجي دايما اول ماتزوجت ليش ماتسوي زي فلانه الله فلانه كذا ووووو وهو على فكر يعاندني وكنت اطنش شفته زاااااااد انفجرت وقعدت ابكي وسويت مناحه بالبيت والحين بس لو اتكلم وجاب سيراتها على طول يعرف انه غلط ويعتذر
انتي لاتخليه يتمادى قوليله ليش دايما فلانه على اللسانك طبعا بالاسلوب انا ايش ناقصني ...

هلا حبيبتي
الله يفرج عنك

بس طاري هالبنت منو يفتحة؟ انتي ولا هو ؟ او يمكن واحد ثاني غيركم ..وبعدين هو يبدي يمدح؟؟

اذا انتي فأنسيها للبنت هذه ولا تجيبين طاريها بعد قدام زوجك
واذا هو فأنتي غيري الموضوع مباشرة اول مايبدي يتكلم عنها ...واذا مارضى ..فأبدي اتكلمي عن مساوئها ....حتى لو تألفين مساوء لها من راسك ...

وطريقة التطنيش مو زينة ...بالعكس بهالشي حتخليه يتعمق بالتفكير فيها وتعطيه وقت وحرية وماتستفادي انتي شي

المشكلة عزيزتي انه لازم تخليه ينساها مو تخليه مايتكلم قدامك عنها لأنك صحيح بتتجنبي بهالشي عدم جرح مشاعرك لكن بالتالي انتي تتيحين له فرصة للتفكير في بنت اخرى غيرك !!! وهذي تاليتها اشد عليك ...صح؟


نكمل..

اما اذا كانو ناس ثانين او احد من الاهل هو اللي يفتح موضوع هالبنت ...فأنتي طبعا سارعي بتغييرة بموضوع ملفت جدا للأنتباه ومهم جدا للجميع

ولا تقولي ماعرف ((ان كيدهم عظيم)

بالمشكلة الاخرى ...وهي عدم وفاءه بالمواعيد ...
انا زوجي كذلك لكن قليلا الحمد لله ...فصار كلما يوعدني وعد ..اقول له ..بالمشمش ..او اعرف انك ماراح تسويه ...او مستحيل اتسويه لانك دائما توعدني وتخلف ...وخلي على وجهك شوية علامات الحزن (مع الدلع)
صحيح الكلام شوي قاسي لكن هالشي يخليه يفكر بالشغلة وشوفي كيف بيتحسن ...مجربة هالطريقة

ولا تنسين تروحين تصالحيه بعدين


واسفة عالاطالة

وموفقة حبيبتي

عفوا الرد مكرر

هذا أغلب طبع الرجال هالأيام..

أنا زوجي كان يمدح إختي ويفضلها عليّ بس بعد ما تزوجت سكت ووقف المديح....بس على فكره أغلبيه الرجال ما يمدحون زوجاتهم...على شان ما يصيبهن الغرور في نظرهم....(وجهة نظر غريبه)

اختي لايضيق صدرك هو يقول كذا بس عشان يحس بغيرتك عليه ترى الرجال يحبون ان الزوجه تظهر مدى غيرتها وخوفها على زوجها ولا تشغلين بالك على قولتك الكلام ببلاش وماراح يطوله من هالبنت اللي يذكرها عندك شي بتتخرج وتتزوج