زوجي يمنعني من الطلعاات ..

السلام عليكم ..
كيف الحال ؟؟ 
بنات تكفون اقرو مشكلتي للاخر وساعدووني والله ماعاد فيني صبر 😔😔😔




زوجي يمنعني من الزيارات انا واياه من نفس الديرة وبيتي وبيوت اهلي وجماعتنا في نفس الحي وكنت طااايره من الوناسه قبل اتزوج م دريت ان هالنعمه بتصير نقممه ..،
قسم بالله اتمنى اني بديرة تبعد عن ديرتنا الااااف الكيلوات عشان ارتاح من لوم امي وجدتي بالقطيعه واني م صدقت اتزوج واخليهم وان مالي خاتمه 😔
انا ساكنة بشقه في نفس بيت اهل زوجي ولازم اكون محضّرة عندهم بكل وقت ومقابلتهم 24 ساعه واذا تجمعو خواته يستاااانس اني م ادخل من عندهم الا متاخره وانا اجلس لاني مستانسه معاهم وهم المتنفس الوحيد ..،
قسم صرت انحرج لما اسولف عنهم عند اهلي وامدحهم يقولون ماتبين الا هم ..،
قلبي يتقططططع خاطري اقول انا ميته عليكم وعلى الجيه بس في كل مره يرفض مو بس يرفض الا يعقد الحواجب اليووم كله ..،
اهلي لهم يوم بالاسبوع اروح لهم وجدتي يوم ثاني صرت اجمعهم مع بعض عشان اذا جيت اشوفهم كلهم مااطول عن احد ، وخالتي كان يقول لك يوم بالشهر بس من طول الوقت صرت انسى لانه يدقق اذا 27 يوم مر مايوديني 
طفشت ططططفشت والله العظيم مت من القهر 
دايماً الوم نفسي اني اخذته وهو اكبر مني ب 8 سنوات توني عمري 23 والي يشوفني يقول بالاربعين من الهممم الي انا فيه حتى امي ملاحظه تقول مو مغصوبه على هالوضع وكذا مره تقول لي باتدخل بس خايفه من ذنبك اذا ماعاد تحملين قولي لي وانا اتصرف معه ..،
لبسي يدقق فيه لاتلبسين كذا ولاتحطين كذا حتى عيوني احيان اطلع مستعجله والاقي عمتي بطريقي ( امه) اسحب النقاب اسلم عليها وارجعه السيور تكون نازله اذا شاف عيوني تلممع ياويلي ياسوواد ليلي 
واقول له مستعجله م يقتنع 😔
هو على هالحاله من اول شهر اخذته فيه تخيلو عروس وممنوعه من الزيارااات 😭😭
وانتو عارفين العروس لازم يعزمونها الناس الي عشا والي قهوة وكذا ناس ماعاد اهتمو وناس لين الاسبوع الي راح تعزمني ..،
والسوق مستحيل اطبه مع اهلي حتى حريم اخوانه يروحون مع خواته للسوق لحالهم وانا لا لازم ممعه غير كذا مره بالثلاث شهور ..،
صديقاتي ممنووووع اروح لهم 
بنت خالي كبيرره ولدها الكبير تملك وبغيت اروح لها بكيكتي جيته باسلوب وكلام حلو وصله رحم ماصله رحم وهب بوجهي يقول البزر توه متملك وش يوديك انا اقرر متى تروحين واقول لك وانا على ميتي قلت ابشر بس قبلها عطني خبر عشان اجهز كيكتي قال طيب ططيب
والين اليوم مارحت كملت شهر واهله اكلوني بالاساله مارحتي لبنت خالك ، سوت حفله عائليه ماحضرتيها ؟؟؟
حتى السفرات مانستفر بس نطلع لمدينه كل 6 شهور نشتري ملابس حق مناسبات وكذا ونرجع بنفس اليوم يعني الفسحه تروح في تعب السوق 
وعدني بعيد رمضان نروح تركيا ولا رحنا ، ووعدني يوديني لخالتي بمدينه ثانيه وططرت من الفرحه لانها نازله بيت جديد وصار لي 4 شهور مارحت وامس سالته بكل هددوء الاسبوع هذا نروح قال لااااا مع اني قايله لها وكل اسبوع تسالني بتجين بتججين ؟؟ وانا في كل مره ارد بلاا
سالته ليش وانت الي واعدني انا ماطلبت توديني 
قال انتي تسوين تصرفات ترفع ضغطي لامشيتي معي سيده صرت معك سيده 
انفججعت انا شسويت قال تذكري لما جيت اوديك بيت اخوي تخيلو وش الجريمه الي ارتكبتها 
لابسه لقنز وبلوزتي تحت الركبه من قدام ومن ورا واصله لرجليني 😳😳
ااااه يابنات والله اني منقهره يبي البس تنورة تغطي رجليني والا ادخل ع العالم بدراعه انا مو من البنات الي يتفصخون ومايراعون الي ينلبس عند الزوج والي قدام العالم لاا
والله اني ستيييره حتى جدتي دايم تمدح لبسي وتميزني عن حفيداتها لاني مستتره
بس هو يبي البس على كيفه
والعبايه حقت السوق وحقت الزيارات وحدده استغفر الله ثنتين بس نفس الموديل طيب انا رايحه لحريم ومن السياره بانزل اكره الكتف م احب البسها ابي اسلاميه فيها حركه بسيطه ع الكم مافيه بالع موس وساكته كل شي معه قوانييين 😔😔 
انا والله مو مقصره معاه بشي حتى اذا قال امي بتروح لاختي بتروح لمرت اخوي اروح معها مع انهم ماعزموني اروح منحرجه عشان م يفكر ان عندي نيات او يطنقر علي ..،
على فكرة سالته ليش انت تسوي معي كذا في نقاش هادئ وكان رايق يقول انا كذا ما احب الحرمه الي تطلع من بيتها واجد وهو ككذاب كذااب كذاب امه لما اخته ولدت راحت بيت بنتها 40 يوم وفي كل يووم يروح لها وياخذ بنتي معه مايجون الا على وقت العشاء وانا ماكنت اروح عشان امي ماتشره علي ولما واجهته يقول لاتقارنين اهلي باهلك والله تتعبين ( طيب ليش انت تحب اهلك وانا اكره اهلي يعني )
 صار لي على هالحال سنتين ونص وربي رزقني منه ببنت والحين حامل بتوام ..،
جالسه معه الحين بس خايفه من كلام الناس واخاف تطلع لي مشاكل بعد الطلاق بس والله العظيم ماعاااااد اقدر اتحمل شكيت على خالتي قلت افضفض شوي وقالت اصبري يمكن يتغير بس ماظنتي يتغير ..،
طولت عليكم سامحوني 
بس مالي بعد الله الا انتم شوفو لي حل تكفون