أهلين يالغالية ،،،

تدرين اني مريت بتجربتك بس من نواحي ثانية ،، لاحظي نواحي مو ناحية وحده مثلك

قبل لا اتكلم طولي 165 وزوجي 168 الفرق بس ثنين سم

بس تجربتي ماكانت من ناحية الطول ،،، وبس

زوجي طيب معي لدرجة فوق الخيال ،، ماشاءالله ،،، وخلوق ،،، ومستقيم ولله الحمد

جتني فترة من الفترات بتأثير من صديقات حولي ،،، شوفي هالرجال الطوال ،، شوفي وش حلاتهم ،، الرجال الطويل وبس والباقي خس ،،، شوفي هالمزايين ،،، الين صار زوجي بنظري كريه ومعفن ولا ابي اشوف وجهه.

تدرين؟؟ اني في مره قلت له بوجهه ،، طلقني انا ما أبيك ،،، انا ما أحبك
كنت معمية عن الواقع الجميل اللي أعيش فيه وبديت اخربه بأيدي وبدون أسباب تستاهل ،، فكرت بالطلاق والطلاق فقط كحل لمشكلتي ،، كرهوني بزوجي ،، وخلوني انتبه لأي رجل طويل وحلو ،، لدرجة اني صرت احس بالغيرة لما انزل السوق واشوف وحدة مع زوجها وهو حلو وطويل

مع الضغط النفسي ،، صرت اشوف فيه العيوب بس ،، مع انه الله يخليه لي مافيه عيوب ،، والكمال لله ،، والله العظيم يابنات ،، أقسم بالله ،، من شده الضغط النفسي والافكار والوساوس الشيطانية ،، اني اشم له ريحة مقرفة ،، مع انه ريحته دائما عود وبخور وعطورات ،، احس انه معفن ،، اشم ريحته من مكان بعيد وتلوع كبدي منها ،،

عشت بكابوس إن شاءالله ما تعيشه اي وحده مسلمة بهالكون ،،،

رجعت لله سبحانه وتعالى ،، دعيت ربي يبصرني على الحقيقه ،،، ويساعدني اني اجاهد نفسي ..

بديت شوي شوي اتقرب منه ،، دورت حسناته ،،، حسنت اسلوبي معاه.

ما تتخيلين يالمحرومة شلون تغيرت حياتي للأفضل بفضل من الله عز وجل

يوم بانت لي الحقيقة ،،، اكتشفت اني كنت عايشة بوهم ،،، كأن انغسل مخي لفترة وبعدين رجعلي

لقيته أنسان ما مثله انسان ،، ولا اعتقد اني ابالغ بهالكلمة ،،، ماحد وقف معي بمشاكلي بوظيفتي ولا مع صديقاتي الا هو ،، ماحد قدم لي يده بحنية مثله ،،، الله يخليه لي يارب

اكتشفت اني احبه ،، بس كان مغسول مخي ،،، ورجعلي ،،، حتى مشكلة الطول نسيتها تمااااااااااااااااااااما
بالعكس افتخر فيه ،،، وافتخر بعيالنا ،،، وافتخر بنفسي ،، ولله الحمد بكل الأحوال..

عزيزتي صدقيني اللي مريتي فيه ،، مثل اللي أنا مريت فيه

وصدقيني مشكلتك ماهي مشكلة طول ،،، كثر ماهي داخلية ونفسية وضغوط تعيشين فيها

هدي نفسك ،،، وسوي مثل ماسويت وأول شي ،، أول شي ،،، ارجعي لله ،،، وادعي ربي يدلك ويقومك على الطريق المستقيم عشان ما تظلمين نفسك وزوجك

وبالتوفيق لك يالغالية

أختي محرومة اسمحيلي الشيطان اللي يقللك الا مشكلة ويكبرها في نظرك هي المشكلة الاساسية ما اقللك مشكلتك لوحدك لكن هدا الشيطان يفرح لما يفرق بين الازواج وينكد عليهم ويطلع مشاكل حتى لو مافيه الله لا يعطيه اللي يتمناه.

استعيذي بالله من الشيطان الرجيم وادعي:
رب اشرح لي صدري ويسر لي امري
اللهم اظهر لي محاسنه واخفي عني عيوبه واظهر له محاسني واخفي عنه عيوبي
اللهم ارضني بزوجي وارضه بي وبارك لي فيما رزقتني
اللهم اجعلني لزوجي كما يحب واجعله لي كما احب واجعلنا لك كما تحب


نصيحتي تخلي نظرتك أعمق وايجابية اكتر فكري في مستقبل بنتك وخططي له وفكري كيف تجعلي حياتكم اكثر سعادة : تجديد، نزهات، ترفيه... ودوري على الايجابيات في زوجك (واعتقد انك تعرفيها من كلامك عنها) واحمدي ربك عليها.

الله يصلح لك امرك اجمعه :27:

حرام عليكي اهم شيء انه طيب ويحبك ويخاف الله فيكي ولا تقصري معاه عشان ما تخسري كل شيء وتندمي لاسمح الله انا زيك زوجي نحيييييييييييييييييييييييف 57 كيلو تخيلي عمرو 27 سنه وطوييييل كل ما يشوفوه يقولولي اكليه لازم يتخن شكلو كانو في المتوسط بس عمري ما اهتميت لكلام احد اهم شي انا مبسوطه وراضيه والانسان لازم مايكون سطحي الله يخليكي انتبهي على بيتك وبنتك الله يوفقك ويفرج همك:24:

احمدي ربك ,,,,, لان زوجك ماشاءالله كامل اخلاقيا (حسب كلامك)يعني معاملته من افضل مايكون

وللمعلوميه ترى زوجك طويل(173)نعمممممممممممممه ماشاءالله وش تبين بعد!!!!!!!

وقوله انتي حسافه عليه,,يعني لازم يكون اطول منك والا انتي حسافه عليه؟؟؟ والله شي!!!!!!!!!!!صدق اللي يسمع كلام الناس يضيييييييع:09: