زوجي ينام بغرفة اخرى

السلام عليكم شاخباركم انا عضوة معاكم بس بمعرف اخر سجلت بها الجديد عشان اعرض عليكم مشكلتي الخاصه

انا متزوجه من فترة طويله تقريبا 7 سنوات المهم طول هالسنين وانا وزوجي في عراك على مسألة النوم هو من النوع اللي نومه خفيف قبل شهر تنفست ببيتي طبعا نام بغرفة لحاله وهذا كان طلبي عشان اخذ راحتي مع نفسي والبيبي
المهم خلصنا من الاربعين قلت يمكن يفتكر من حاله ويرجع والا الاخ ماصدق اني قلت له وبلط هناك استمريت على هالوضع لين نقلت ولدي مع اخوانه ومعاي جهاز المراقبه قلت يمكن هذا عذره واستمر الحال على وضعه المهم اخر شئ نفذ صبري طبعا خلال هالفترة كان يجي وقت الحاجه واعذروني عشان توضح المشكله المهم صارحته قلت انا والله حياتي مثل حياتي ببيت اهلي انام لحالي وانت لحالك مايصير نظل كذا طال الكلام اخر شئ قال اسمحي لي وخليني على راحتي وانت الصراحه تشخرين وانت نائمه وانزعج على الرغم يابنات انا من النوع اللي مايطلع لي صوت حتى تاكتد من اخواتي قالوا بالعكس مانسمع لك صوت وقلت له انه يكون بسبب ياني تعبانه وراء العيال ومايجي وقت النوم الا مهدود حيلي غير كذا رايحه جايه من غرفتي لغرفة عيالي طول الليل عشان ارضع ولدي او تكون وضعية نومي غلط يعني هالمشكله ماهي عندي عاد انا انفجرت فيه قلت انت اللي انا متحمله شخيرك بالليل وياصل عندى بغرفتي قال انا اشخر والله مادري انا نائم قلت اسال عيالك بعد رفع ضغطي اخر شئ قلت له اذا بتظل على هالوضع فاعتبر نفسك من اليوم ورايح عزوبي وعاد افهمها والله مافكر جلس اسبوع كامل بعد كلامنا ماتجي عيني بعينه ولاكلام ولاشئ على الصامت اخر عاد هو ماتحمل تعرفون وجاء عندي بالمرتبه قال اقدر انام بالغرفه ورديته قلت مافي مجال بالغرفه وعاد هو زعل ورجع مكانه اليوم الثاني والثالث رايح جاي اخر شئ وانا نائمه ماحسيت فيه الا وهو نائم على المرتبه بالارض
الحين يابنات وش الحل معاه وش اسوي عجزت وطبعا هالحاله معاه من قبل ولادتي عشان لاتقولون انه ممكن بعد الولادة وانا الحين فكرت اقوله ياتنام على السرير مثل العالم او اطلع من غير مطرود وش فرق غرفتي مرة حايسه وضيقه انتظر ردودكم