زوجي ينام فالصاله

مرحبا خواتى شخباركن عساكن بخير

بنات انا تعبت وحياتى صارت جحيم ومالى غير الله ثم خواتى

انا صارلى متزوجه 8 سنوات وعندى 3 بنات الحمدلله

مشكلتى فزوجى اللى ينام برا بالصاله من يوم حملى على اخر بنت وبنتى عمرها الحين 3 سنوات

وحجته انه يبى يطالع التلفزيون ومايحب ينام بدون ما يشوف كوره

تكلمت معاه كثير كنى انفخ بجربه مقطوعه يقول اللى بينا اكبر من انى انام جمبك

المهم ان حياتنا ماشيه زين

وانا واللله كل ما جا الليل اتخيل خواتى وصاحباتى كل وحده مبسوطه وجنبها زوجها وانا انام مع عيالى ولما اطالعهم وهو نايمين اقول الحمدلله ان عيالى بخير واهو خله يولى اللى ما يبينى مابيه

المشكله يا بنات ان هالشى سوا فجوه بينى وبينه صار مافى تواصل وما فيه كلام يدخل البيت يركض للصاله ولا يقعد معانا انا سويت نفسى زعلانه ولا اكلمه زين وارد عليه بدون نفس واهو عادى عنده ولا سال فينى ولا كأن شى صاير

انا احس ان الزوج والزوجه لازم يكونون سكن لبعضهم البعض اذا بقلبى شى ما قلته لزوجى ابو عيالى بقوله لمين ؟:44::44:
احس انه مستانس ان عنده وحده تربيله عياله وتخدمه وبس
وانا يا بنات مو ناقصنى شى انا جميله ولله الحمد ودايم اكشخ والبس واهو ما يتأثر

انا قلت لاخوى كل شى:44: وقلتله خلاص انا تعبت وابيك تكلمه قوله مو حاسه انى متزوجه ولا عندى رجال يعتمد عليه ولا رجال يخاف على او يحاتينى

كانه متزوج الصاله والتلفزيون

قولوا وش السواة عنده