زوجي ينتظر رايي وش رايكم انتوا🌀

السلام عليكم اخواتي 

بستشيركم في موضوع حيرني 

انا عند اهلي عشان احضر زواج اخوي والحمدلله تزوج الله يسعده يارب 
لي اللحين عندهم تقريبا ثلاث اسابيع 
المهم زوجي مو معي عند اهلي بحكم دوامه ارسلني طيران 
وبأتفاقي مع زوجي اني بجلس للعيد عشانه يدرس صيفي يعني شهرين قدام وهو مو وحده بس يشوف اهله مره بالاسبوع بحكم الدوام والمسافه بينهم بعيده شوي 
امس كلمته وقلتله عيالي تعبانين تعبوني وفعلا من يوم سافرت وهم مرضانين وديتهم المستشفى 3مرات الله يصلحهم وانا اتكلم معاه قلتله ودي ارجع لاريحوني ولا شي وفعلا تعبووني لا انام كويس ولا اكل جاني سدة نفس والله 
المهم قالي تبغين ترجعي الله يحييك 
والاخ تحمس من الفكره قالي تعالي عشان العيال مايرتاحون الا في بيتهم وانا بوديهم المستشفى ثقلتي ع اهلك وانتي رايحه جايه المستشفيات وانحرجت يقول منهم وخالتي تعبت معك اكيد 000000الخ

وحجزلي بعد اسبوعين من اليوم طيران وقلت لهلي قالت امي خليه بينشغل بالدراسه طبعا ماقلت لاهلي عشان العيال بس لمحت لها قالت لا ابد مافي تعب 

وزوجي كل مااسولف معه يقول انا خسيت انا طفشان ومدري ايش وكل مااقوله تبغاني ارجع يقول لا ماعليك فيني ادبر نفسي
اللي محتاره فيه اني انا وياه كل رمضان نتهاوش مدري ليه سبحان الله من يوم ماتزوجت لازم رمضان نتهاوش هوشه كبيره وتوصل للاهل غصب عني اعوذ بالله
رمضان اللي فات تهاوشت وبغيت اتطلق منه بس ربي ستر 
والمشكله تكون من الطرفين 

حتى امي يوم قلتلها احتمال ارجع قالت فكينا من المشاكل انثبري وارجعي بعد العيد خليه يجلس وحده بس لاتتهاوشون 
واختي قالت اخاف ترجعي وتصير مشكله في رمضان 

صرت اوسوس برمضان لااله الا الله بس 

قلتلهم زوجي من اخر مشكله ان شاءالله انه تغير وفعلا حسيته تغير بس مدري عن رمضان يجيه ضغط دوام موطبيعي ليل ونهار ويطلع حرته فيني او العيب فيني ماني عارفه والله

انتوا وش رايكم زوجي ينتظر ارد عليه اليوم