زوجي ينتظر طلعتي من البيت وانا .... لوووح

صباح الخير

لى فترة بيني وبين زوجي شد ورخا .. والسبب الاول هو ايجار البيت
لانه كان ساكن بشقة عند اهله وطلعت منها واخترت شقة غالية شوي : 2500 شهريا ...
ومن كم شهر لو اطلبه ماء قال لي وراي ايجار شقة ..

والشهر هذا جالس يقول ان واحد يقول له المفروض ادفع 1000 ريال معه .. واحسه قلب زود وجالس يطفشني عشان ازعل ويقول انه مايقدر يدفع الايجار وكذا

علما ان ميزانيته جدا متحسنة .. تزوجته وراتبه الفين وشوي والحين فوق العشرة يطلع شهريا
طبعا صار بخيل وكل مازاد دخله زاد بخله ...

انا افكر بالاطفال وخاطري يعيشوا حياة سوية ... مع انه بطريقته ذي مو بعايشين غير بنكد وشجار .. وبوز كل يوم

احيان افكر اطنشه .. واصرف على نفسي وكذا .. بس اخاف يستحلي السالفة ويصير ما يدفع لي ولاريال
البارح اعطاني 400 وقال مصروف الشهر ولاتطلبي اي شيء قلت ما ابيها ..
افكر كل يوم اطلب شغلة وكذا بحيث مايثبت هالمصروف وبس

وغير كذا لما اطلبه فلوس لشيء ماء سواء للبيت او لي يقول سلف ... سلامات ليه سلف انا خويك يالحبيب

الموضوع كل ماله يسوء ويدور مشاكل منا ومنا ...

لااحد يقترح اغير الشقة لان صعب القى مناسبة بسعر جيد