كنت ممكن أعتقد أنه ضعيف شخصية مثل ما كتبتي , لكن مدامك قلتي شخصيته قوية جدا مع أهله والباقيين في نهاية سؤالك , معناته زوجك يحبك جدا ويغليك ووده يعطيك الدنيا كلها مو ضعفا لكن لانه لك مكانة كبيرة في قلبه, لكنك للأسف مو فاهمة عليه ولا على لغة الحب عنده واللي هي العطاء , خصوصا انكم توه متزوجين يعني الرجال فرحان بزوجته ومرتاح الحمدلله.

كوني ذكية ولا تتسببين لنفسك بان تقلبين نعمة واضحة من الله سبحانه ساقها لك الى نكد و نقمة , وتفهمينها انها ضعف لانه اصلا قوي مع الباقيين فيستحيل انه يجمع القوة والضعف مع بعض.

ونوعية زوجك من الناس اللي يقدمون الحب بكل رحابة صدر , لكنك لو فرطتي بهالشي فغالبا يجلبون للنقيض وينقلب الحب لكره لو حسوا انك استغليتي حبهم واحترامهم لك بطريقة سيئة وساعتها ما ينفعك الندم.

لا تستعجلين على المشاكل ولا النكد لانها جاية جاية بالطريق مثل اي زوجين, واستمتعي بلحظات الحب والاحترام والعطاء من زوجك.

يااختي الرجال مايحب اللف والدوران ليش تسوين حركات يعني تختبرينه هو يمكن مقتدر ويقدر يوفرلك الي تبغين احمدي الله وبعدين انتي لسه عروس اكيد يدلعك وماراح يبين انه صارم معاك كلنا عشنا كذا بدايت الزواج شويتين وراح تجي تشتكي منه🤣🤣🤣 لا تفكري في الموضوع بطريقه سلبيه وقولي الحمد لله الي سخرله لي

والله احترنا فيكن يالحريم أذا نلبي طلباتكن نكون شخصية ضعيفة بنظركن وأذا مانلبي طلباتكن نكون بخلاء وظالمين فعلا أنتن مصدر النكد

قلتيها مع ناس شخصيته قويه يعني مو ضعيف بالأساس يعني شاريك وهو مشغول يفضالك من غلاتك يشريلك الغالي ونفيس حتى لو بنص شهر اذا مره ما عجبتك حالتك روحي لمستشارة اسريه

ولو يطبق زوجك نفس كلامك وقتها مارح يعجبك الموضوع