زوجي ينكر كل شي اسويه له ويقول بتزوج !!!

مرررحبا بناات كيفكم؟،،
بنات انا خلااااص تعبت من زوجي ماادري وش يبي بالضبط ،،،، امس يقولي خلاص انا بتزوج وداخل المشروع عشان اتزوج !! تعبت معه يشوفني مقصره معه مهما اسوي والله العظيم مهتمه ببيتي وولدي وفي اكله ولبسه ماقد طلع وملابسه وسخه والاكل اسوي له الي يبي واقوم نص الليل اسوي عشاه واذا جاء من دوامه يلقاه جاهزز واخر شي ماالقى الا النكران ،،،، ماعنده كلمه الا انتي مقصره ،،، الاكل زايد ملحه حبتين قال شفتي انتي مقصره !!! الولد تعب وجته حراره وزكام قال شفتي انتي مهمله تعبببببببببببتتتتتتتت مرررررررررره منه يبيني كامله مااقصر قي شي ابددد والله تعبت مااقدر اكون مثل ما يكون كفايه اني اشوف ماني مقصره في بيتي باي شي ومرتاح ضميري ..... انا ماقاهرني الا انه يقرر يتزوج لاسباب تافه جددا تصير في كل بيت عشان ملح زايد حبتين ولا ولد تعبان ولا الصاله فيها كم لعبه لولدي ،،،،تعبت جدا ماعاد اقدر اتحمله مايهمني خله يتزوج بس الي يهمني هو كلام الناس مابيهم يتشمتون فيني وانا لسا صغيره مالي الا سنتين متزوجه مقهوووووره مره منه ماادري وش يبي بالضبط ،،، امس موديني للمطعم وفي الطريق فتح معي الموضوع طيب ليش تبي تونسني بالمطعم وبعدين تنكد علي ،، احترت معه جدا ،،،، اذا طلع وكلمني تعالو شوفو الكلام والدلع ووش تبين اجيب لك معي واذا جانى في البيت نكد علي وانتي مقصره وانتي مهمله مع اني عكس كلامه مهتمه في كل شي اعطي نفسي 80 بالميه من الاهتمام تعبت مره ،،، مرات احسه يغار مني عشان كذا اذا جاني يعاملني غير واذا طلع يتحسف بالي سواه ويدق يبرر غلطه بالكلام الحلوو ،،، حتى احيانا اقوله انت ماينفع معك الا وحده عوبا تكرهك وتكره اهلك وتوريك نجوم القايله تخيلو وش يرد يقولي هذي ابيها عشان ادق خشمها واوريها الشغل شلون واحذفها عند اهلها،،،، مرات احسه يحس بالنقص عشان كذا يبي يبين رجولته ويحذفها عند اهلها ع قولته ،،،، اللحين وش الحل معه ظالمني مررررررره افكر ادعي عليه عشان اشفي غليلي واروح لاهلي عشان يحس بقيمتي ،،،، قهرني صبرت ع فقره وسوء اخلاقه ومن ربي اغناه بيجازيني بمراه ثانيه هذا جزاتي حتى العيد ماشريت لي شي ولا لولدي لانه مامعه ومن شاف مشروعه مشى قال بتزوج حسبي الله ونعم الوكيل بسس