زوجي يهددني انه بيتزوج علي

كنت جاسة احكي لزوجي مشكلة صديقتي ............. ملقوفه ما اخبي شي:42:
المهم المسكينه قصتها انها ولدت من شهرين تقريبا وعندها ثلاث عيال قبل والحين زوجها راح يتزوج عليها..
انا اترجى زوجي يآزرني تفاجأت وهو يقول لي انا بعد بروح اتزوج :p هذا بسبتك انتن الحريم تهملن في نفسكن بعد الولادة..
قلت له ما انتوا تريدون عيال واحد ورى الثاني وين بتواحي المسكينه ترتب عمرها والا ترتاح شويه
قالي والله محد غصبكن انتن تريدين اليهال عشان تضمنن الزوج.. وتحسبن نفسكن تربطنه باليهال..

المهم انا ماده بوزي شبرين اعرف انه يقصدني لاني حملت ورى بعض .. ومالي خاطر ارتب عمري وايلس اتعدل كل يوم.. حتى مرات اقول عادي يروح يتزوج علي بيفكني من الحشره ومن كثرة نقده لي.. لانه في اول زواجنا كل ما اتعدل له يجلس ينتقدني .. يريد كل شي مضبوط 100% لانه دقيق الملاحظه وذوقه وايد صعب.. المهم الحين خبروني شو اسوي:(