حاولي تصلحي الامور بينكم وتركي عنك الافكار السلبيه الي عاشت بمخك وصدقتيها يعني كل رجال قال نفسي اتزوج يعني بيتزوج مافي رجال ماقال لحرمته ابغى اتزوج واغلبهم فعلا نفسهم بالتغيير هذي فطرة من الله بس مو معناته انك تكرهينه وتحطين يد على يد وتقولين خلاص بيتزوج انا حاسه فيك من كثر مايزن عليك وكل يوووم كل يوم خلاص تحسين الفكرة دخلت براسك زي ماقلت لك خليك ايجابيه وانبسطي بحياتك انبسطي بيومك وخلي بكرة للكريم ولاتنسي الدعاء لان الدعاء يرد القضاء والله يوفقك وييسر امرك

لو هددتيه بتكبر السالفه ويصير يهدد بالزواج ويهددك ممكن بعيالك او بيخليك عنده وبيعذبك ويقهرك شوفي اذا اكتشفتي انه تزوج ي انك تروحين لبيت اعلك اذا بيتأثر اما اذا مرهه مو هامه اقعدي مع عيالك ولا عليك منه مصاريفك وتجيك واكل وشرب وبيت وكهربا لا تبقين شي وهو مع السلامه ولا تحرقين نفسك عشانه اذا هو بايع وماهو داري عن هواك اسحبي عليه وعيشي لنفسك مو لاحد عيشي حياتك وابسطي نفسك لانك تستاهلين مو عشان احد او شي وعيشي لعيالك ومع عيالك ودلعي نفسك وقولي قضاء وقدر وان ربك يحبك ممكن ابتلاء واختبار من ربي وممكن عشان يريحك منه ارضي باللي كتبه ربك

ياختي من سنين وانتي تقولي زوجي بيتزوج
ولين اليوم لاهو اللي تزوج
ولا انتي اللي عدلتي وضعك معاه
مدام الحياة بينكم وصلت لطريق مسدود
ياختي شيليه من رايك وعيشي لعيالك
ومدام هو ماوده ان عياله يتشتتون
يعني تقدري تمسكيه من يده اللي توجعه
من رضاوة ومصروف ليكم
انا هو فاعتبريه اب لعيالك وصرافة لكم وبس
وعيشي حياتك بالطول والعرض
وشيلي العالم وكلام الناس من راسك
والا اذا مرة كلامهم يهمك وبتموتي من كلامهم وماتبغي زوجك يتزوج عشان كذا
فغيري من علاقتك معاه
اجذبيه ليك واتعاملي معاه بطريقة ثانية
حاولي تحسني علاقتك بيه واتعاضي وجاملي
امكن يرجع الحب والاحترام بينكم ثاني

انت من كثر التفكير في زوجك انشلت الحياة معك
طلعيه من مخك طلعيه طلعيه انسيه تماما انسسسسيييييه
وركزي في نفسك انت لازم تعيشين ملكة في بيتك سواء كان موجود او لا
دوري للشيء اللي يسعدك انت تستاهلي السعادةدوري للي يفرحك ويرد البسمة في وجهك
استمتعي في بيتك ركزي في جماله وجمال عيالك وفي لبسك في اثاثك في اكلك في شربك في ناسك في صلاتك في دعائك السعادة ماهي في قبضة يد زوجك السعادة بيدك انت اذا انت ماحبيتي نفسك ولا وديتيها ولا رحمتيها بالله عليك تظنين انه بيرحمك اللحين ما اقول وسوسي
بس اللي اشوفه انك تنسينه مع القيام بحقوقه
انسيييه لا تتذكرينه الا اذا عاد قدامك عامليه ضيف
خلااااص حرام عليك هالروح موسوس من عام 35 ويمكن قبل
اول ما يجيك التفكير تعوذي وقووووومي سويلك احلى كوب شاهي
سوي اي شيء يسعدك ان شاءالله تكسرين بلاط
لا توقفين حياتك عليه

اختي اللي اعرفه ان مافي شي يتخبا مده طويله بين الناس وبكرا اذا طلع خبر اخوه او احد نشره يمكن زوجك يحطها فيك انه انتي اللي علمتي من كثر تهديدك ويلا صرفي نفسك .
فالاحسن لا تدخلي موضوع اخوه بينكم .