زوجي يهددني بيتزوج علي والسبب 😓😓

السلام عليكم
عندي 4 الله يحفظهم ويهديهم 3 بنات وولد اصغرهم البنت عمرها 9شهور .. باختصار انا في نهاية الثلاثين وزوجي يبي اولاد ..وانا رااافضه عندي اربعه ومجهضه اربعة اجهاضات وحملي متعب جدددا في الوحم اتعب مرره امرض ولاحد حولي واصير افتقد كثيير أمي واختي الا مايقدرون يجون لي بسبب ابوي مايرضى ..اصير اتشره بزياده لاني 3شهور تقريبا ماطلع من الوحم والتعب وبعدها يجي تعب الحمل الثقل والحراره في البلعوم والمعده ..وبعد التربيه وزيادة مسؤوليات ..الحين بعد ماجبت بنتي وقبلها ولدي الا متعبني مررره حركي ويطق ولا اقدر اخلي بنتي تجلس من تصرفاته مل شوي ويأذيها وغير مسؤولية بناتي .. غصب عني اهمل ماتابعهم في المدرسه .. سهر وارهاااق ولا لي وقت لنفسي وبالذات ولدي الله يهديه كثيير متعب وزوجي عنده مشاغل ماياخذه معاه وانا مالقى متنفس لي لا في البيت ولا اذا طلعت فيهم الا يزعجني ويطق ويخرب اي شي يعني معاي حق اني ارفض تماما فكرة الانجاب ؟ وفوق هذا صرت كله يرتفع ضغطي ويجيني صداع شديد جدددا وترجيع من القهر والعصبيه.. افتقد اني اجلس برواقه وهدوووء والله طوول يومي عصبيه بناتي الكبار دايم يتهاوشون واحل مشاكلهم ولصغار متعبيني حتى اوقات اشتغل اطبخ وبنتي على كتفي لان ولدي مايخليها حتى اذا حطيتها بالدراجه يشيلها والا يمسكها بعنف لدرجة تختنق وطول يومي معاه كذا ولين وقت النوم بصعوووبه ينام يضل يحوس ويجلس اخته متعبني مرره ..ومع كل هذا يقولي يبي اولاد اخوان لولدي مايصير يضل وحيد طيب وانا؟ صحتي بتروح الا راحت للان احس بالم الحوض من الولاده وبعدين اجيب عشان خاطر لا يضلون وحيدين او هو وحيد وبعدين انا وش بستفيد بكبر وبيملون مني وهم مابيهتمون انا الحين سنوات تروح من عمري اقضيها بعصبيه وقهر وطول يومي بس وانا اعصب والا الاحق فيهم والا احل مشاكلهم 4: الاخير مع اصراري اني بالفعل خلاص بفكر بنفسي ومارح اجيب يقولي بيتزوج علي لان يبي اولاد 😓 من الا صح فينا ؟