بعدين الولد اول مايكمل سنتين خليه دايم مع ابوه

الف شكر حبيباتي .. الله يعطيكم العافيه
بالنسبه ان ابوه ياخذه يتحجج لي يقول انا مشغول مو فاضي عشان اخذ طفل يدوخ راسي .. ولما يتواجد في البيت غالبا مايتحمل ازعاجهم ويتضجر ويقول سببوا له المرض وغيره من الهذره .. يعني هو يبي اولاد ولا بقد التحمل اصلا .. اسلوبه يزيد ضغوطاتي ماتتصورون لاي درجه بعض ردودكم خففت عني .. انا بحاجه لاحد يحس في وضعي هو يشوف وممكن يقولي محتاجه راحه لكنه بالفعل مايسوي .. حتى اذا نفسي اغير جو اقوله نفسي اطلع اشوف الطريق يقولي كيف اولادك متعبين .. حتى لما تجيه سفره للعمل بامكانه ياخذنا لاسيما مافيه مدارس في الاجازه الا راحت تخيلوا يرفض والسبب اولادي مزعجين وبيصدعون راسه يسافر وانا اضل بمسؤولياتي معاهم في البيت ماطلع ،،وبالنسبه للشغاله .. انا معتبرتها تخفيف عني تساعدني لان زوجي راافض تتدخل بالطبخ ورافض تغسل ملابس نهاائي اول ماولدت خليتها تغسل ملابس تدرون وش صار مع اني توني واالد وعندي اولادي وفي بيتي مارحت بيت اهلي ولاحد ساعدني لما خليت الشغاله تغسل الملابس صار يهذر ويعصب ويصارخ ان تخرب الملابس وريحتهم سيئه لانها بعد وش ماعلمها تهملهم وتنساهم فتطلع ريحه فيهم بعدها منعتها تغسل ملابس وطبعا انا ماخليها تلمس اولادي يعني ماتسبحهم ابد فمسؤوليتها التنظيف ولان زوجي جددا دقيق يعني مايبي يشوف ولا غباره ولا شي معفوس ... لو بسفرها بتزيد مسؤولياتي ولا بيحس فيني بيضل ينتقد ويفتش في البيت كان يشوف غباره 😕 انا مو بس رفضي اني اجيب لصحتي وبس لانه بعد ماايساعد ولا يشجع يعني ولدي الا كان من زمان يتمنى ولد ماياخذه معاه حتى اذا رحت بيت اهلي يضجرون منه من تصرفاته كيف بعد اجيب وانا الا اتعب . .

طيب خليها تغسل المواعين وانتي شطفي وراها لو في وسخ
وخليها تقطع لك البصل والطماط والاشياء اللي تنغسل .. لو تقرفين منها ...
وخليها تنتبه للاطفال وقت ماتطبخين عشان مايتهاوشون ..
وزوجك ارمي له الرضيعه بالغرفه قوليله تبي اطبخ امسكها منت ماسكها ماني طابخه؟
لازم تعلمينه المسؤوليه
وقوليله شوف منت متحمل عيالك وتبيني احمل اكثر؟ واشتكيله كل شي يتعبك
قوليله توعدني لو حملت تسفرني وتطلعني مره كل اسبوع عالاقل وتساعدني في عيالك؟
خلني اشوفك تساعدني الحين لو طلعت قد كلامك رح احمل
وغير كذا انا اسفه برتاح لي كم سنه لين يسترد جسمي عافيته

زعلت مرة من موضوعك قلبي عورني
والله زوجك شكله عصبي ويحب النظام والنظافة والهدوء
وفريله هذه الحاجات بيتغير
طبعا بتقولي كيف ......اول شي زي ماقالت وحدة من الاخوات البنات خليهم يتحملو مسؤليه مثلا ترتيب السرير ترتيب ادراجهم يساعدوك باشياء بسيطة لو كبار شويه وغير انه لمن يتضاربو اتركيهم بحالهم زي ماقالولك ترا فعلا يهدو صارت مع اخواتي ..اشغليهم بشي يحبوه عندهم موهبه نميها او لعبيهم العاب مفيدة
قربيهم من بعض عارفة قولي اللي يحفظ مثلا سورة الملك اول راح اعطيه هديه،وشوفي التنافس كيف واللي مثلا يستمر بتسميعها لاسبوع راح له هديه اكبر وزي كدا ابتكري معاهم اشياء حلوة جيبيلهم كتب حبيبيهم بالقراءة بدل الايبادات ..
نجي للشغاله والله صدقيني تسوي كدا بالعاني عشان ماتغسل،الملابس .....طبعا قولي من بعد اليوم الغسيل عليك ولمن تشوفيها بتغسل،
اشرفي عليها اساليها علقتيه بالمنشر وطالعي في الغساله ان تركت الملابس ولا شالتها وخليها تلبس قفازات
وقولي شوفي لو صار ملابس معفن زي اول تتتركيه جوا ..خصم من الراتب
اشراف فقط وراها وبس ماتسوي ولا شي انتي غير تشيكي وراها
طبعا امي ايش كانت تسوي روتينها اول ماتصحى من النوم تاخذ فرة في البيت كله. ولو شافت غبرة تديها كلمتين وتهدد بالخصم كدا سوي وبالعصر لفة وعالليل لفة وخلاص وطبعا المواعين سوي نفس الشي او مرة مرة هيا هددت تسافر وطبعا ماتستغني عنها زوديها،100 ريال وخليها تسوي المواعين والملابس بس دا اخر حل
وبس انشغلي ببنتك الصغيرة والولد خليه،ياخذو لحاله
قوليله ايش فايدة الولد ان طول الوقت بالبيت لازم تخرجو عشان يحس انه مختلف عن اخواته وكيف تبغى ولد ثاني وانت ولدك هذا مو،داري عنه
وحاولي نظااام صارم نووووم بدري وقفلي الباب وخليهم يسوو بالغرفة اللي يسوو بس خلاص معد يطلعو منها الين،مايملو ويجيهم النوم غصب شويه شويه لمن يتعودو ..... ولا ينامو عالعصر ابدا عشان يقدرو ينامو بالليل
اهتمي بنفسك وروقي انتي بالصالون واشتريلك جهاز رياضي او روحي نادي رياضي وارمي العيال عليه خليه،يحس شويه ..خففي وزنك قبل الحمل عشان حتى لو سمنتي وقت الحمل ماتزيدي كثير لان السمنه تخلي الواحد ثقيل
حاولي تحنني قلبو واتكلمي معاه لمن كلهم ينامو بهدوء اجلسو،جلسة مصارحة قوليله كل اللي بنفسك بهدوء بدون عصبيه ممكن حتنفعلي بس امسكي نفسك لازم تقولي كل اللي بقلبك وهو حيقول اكيد اللي بنفسه،
وفهميه انه استنى لمن تكمل سنه ايش رايك علي الاقل الثلاثه الشهور هذه،اقوي نفسي بالفيتامينات وتروحي المستشفى زي ماقالت وحدة من الاخوات
اهتمي بنفسك،لسه انتي شباب والله لاتضيعيها ورا دي ودي لا اشتري دماغك وزعي المهام صح ونظمي وقتك ووقت العيال واتكلمي معاه وطلعي كل اللي بنفسك باسلوب خليه يسمعلك


ممكن شطحت كثير شطحات وممكن نصيحتي مكررة
بس ما حبيت اخرج من الموضوع بدون ما اساعدك
لاتنسي الدعاء اخر الليل مافي شي بعيد عن رب العباد ... التغيير يبغاله قوة صبر فاصبري فان الله مع الصابرين

الله يعينك اربع اجهاضات وولادات كلها بتتعب جسمك انتبهي انتي المسؤولة عن صحتك لاتنتظري زوجك او اي احد
روحي اعملي قحص شامل خااصة لهشاشة العظام لانه مرض صاامت مايبين الا بالكسر وغيره اهتمي بصحتك
فيتامين د وب والكالسيوم
من كل النواحي واكل صحي
بعدها حكاية الشغالة انتي مو مستفيدة صح منها خليها تغسل تحت اشرافك واكدي عليها باستعمال الكلوركس واللينور اول اسبوع وببتعلم
والطبخ لوموحابة تكمل كل الطبخ خليها ع الاقل تستعمل القفازات وتقطع وتغسل انتي بس تكملي الاساس او تمسك بنتك مايسير كل شي ع راسك
اشتري رااحتك
وعاادي اطلعوا مع اولادك فهميه كل الناس عندهم اطفال ويرفهوا عنهم
وادا مرة مو حاب يكون معاكم يوصلك انتي والاولاد مع الشغالة ع مول فيه العاب لهم مرة كل اسبوعين وهي تساعدك فيهم وبعدها يرجع لكم
اشتري اشياء لك كماليات دلعي نفسك يمكن انتي موفرة عليه وحس انه بيقدر يفتح بيتين هو من نفسه بيسكت عن موضوع الزواج لوشاف الضغط المادي
اما الحمل لاتفكري قبل ماتسترجعي صحتك والحمدلله 4 خير ونعمة
وضروري تنظمي نومهم بالليل مع بعض وانتي برضوا ارتاحي باللليل عوضي جسمك واصحي قبل الفجر صلي ركعتين بهدووء وادعي ربي ييسر امورك
هددي اعصابك بتمرضي زيادة ع تعبك وماحد حاس فيك ولاتنسي المشي يوميا او رياضة بتريح برضوا
خصصي شي لك مثل حفظ القران او تخفيف وزن لوعندك زيادة اعملي الاشياء اللي تحبيها
حتى تحسي بالرضا عن نفسك
الله يسخرلك زوجك ويقويك ويرزقك راحة البال والسعادة