زوجي يهرب مننا بدون سبب واذا كلمته هذي حجته

السلام عليكم ورحمة الله وبركاته
انا زوجي دوامه خاص وشفت يعني مسائي او صباحي. واذا في أعياد واجازات رسميه هو يداوم والحجه عشان يزيدو هذا الراتب الي يقول عنه راتب وما نشوف منه الا شوي. والحجة الثانيه انه يداوم بدل زملاءه لانهم يطلعو اجازات فما في احد يمشي الشغل غيره هو. وعشان يكبر في عين المسؤولين هذا والله اعلم.
طبعا دوامه الصباح الي الظهر احيانا2 او1 ونص
اما دوام المسا فيطلع من الساعه11 ونص او12 الى10 او 11 ليلا وكل هذي المده ما نشوفه الا وقت النوم، واذا خلص شغله من وقت مثلا9 ليلا ع طول يسبح ويطلع مع الشباب هذه اذا كنا انا وعياله موجودين في الغرفه. واذا نحن في بيت أهلي طبعا الحبيب ما يطلع مع الشباب ويجلس فالغرفه ويرتاح وينام ويشاهد تلفزيون يعني يسوي الي يبغاه كانه عازب . يريد يفتك مننا ويجلس بروحه في الغرفه تخيلو. وانا ساكته وصابره ولما اكلمه مرة في الشهر ليش هو مقصر في وجوده معنا يقول عني نكديه وعشان هذا السبب هو يطلع برع عننا،والله يابنات زوجي ينزفز ولما اكلمه عن حقي يقول نكديه وعشان كذا هو يطلع برع لما نكون موجودين . ولما اسكت نفس الشي حالته. يعني هو يدور سبب من لاشي عشان يهرب مننا. عياله يحبوه وهو ما يشوفهم غير اخر الليل وقت النوم وع طول يطلب اني اسوي حليب لهم عشان ينامون وينام هو والصبح يقول يروح الدوام وهكذا ما نشوفه ابد. وفلوسه الله اعلم شو يسوي به غير طلبات امه وحفايظ عياله.
يريد الفكه مننا عن طريق بيت اهلي. ويرتاح هو فغرفته.
وحضرته ما يريد نطلع بيت بروحنا او ناخذ غرفه زياده من بيتهم!! والله عجيب هالانسان غريب