زوجي يورطني في السوق

السلام عليكم

يااخوات أنا زوجي مطوع ويدرس دكتوره تخصص شرعي والحمد لله طيب وسمح وكريم علي وعلى عياله وفيه ميزة يغض بصرة عن الحريم




بس للأمانه هو أكثر شيء متعبني غيرته بس بالمقابل هو ولا يطالع في البنات أو المقاطع أو زي كذا

بس المشكلة يكره السوق وأنا إذا رحنا لازم يتغير وجهه نص ساعة ويتنرفز أو يتهاوش مع بياع على لبس معروض أو مراهق لابس ضيق من جد أحس توتر

طيب رجعنا البيت يرجع متكدر من لبس الحريم ومستاء لأن زوجي سبق درس في الثانوي في كندا مع أبوه وكان كاره هالمجتمع فما يبي أي شيء يذكرة بهالأيام




طيب اللحين يقول روحي مع أختك أختي أم عيال كبار وتروح مع بناتها كبار بس أنا مو مستوعبة فكرة أروح بدونه !!! وهو يقول أنا حمار مالي قلب أتمشى في الأماكن وأسكت!

هو كريم ويدفع ما عنده مشكلة بس ما يبي مولات كبار ! يقول شوفي محلاتك اللي تروحين لها مافيه منها عالشارع بدون سوق ؟


شلون وضع رجالكم في السوق بالله فيما يخص لبس البنات الله يهديهمم