زوجي يومه بسنه تكفون دلوني كيف اتعامل معاه

السلام عليكم بنات
والله الشكوى لله.. تعبت من جد وماني عارفة كيف اتعامل مع زوجي
بنات زوجي يومه بسنه.. ولو طلبت منه شغله حتى للبيت يايجيبها بكيفه وقت ماتصنف له ولا يطنشها وأظل أنا أحترق.. مع العلم اسلوبه هذا معايه أنا وأمه فقط.. أما أبوه أو زوجة أبوه أو أخته من أبوه فوالله طلباتهم أوامر.. ليش الإنسان يتجاهل طلبات أقرب الناس إليه ويحس انهم ما هم مهمين وطلباتهم ماهي مهمة.. أمس طلبت منه يغير اللمبات حقت الصالة المحروقة من شهر عشان الناس جاييني اليوم.. لما اتصلت عليه في الليل الساعة 11 اذكره يشتري اللمبات قبل لا تسكر المحلات ووالله استخدمت اسلوب تلميح.. قلتله الناس جايين ادخلهم المجلس البراني ولا الجواني على أساس يتذكر اللمبات قال لي بعدين نتكلم.. وجاء البيت ولا في إيده شي.. حتى ضيافة ما فكر يجيب والآن صار العصر من اليوم الثاني وأنا عارفة انه حيطنشني لأنه بسابع نومه.. بنات تعبت معاه.. صرت يا أجيب طلباتي بنفسي أو أكلم البقالة يجيبوا لي اللي أبغى..وحتى مشاويري دايما مو فاضيلي ومعظم مشاويري مع السواقين..
بنات ما ني عارفة أتصرف معاه.. وحاسه اني كل ما سويت الشي بنفسي اعتمد.. و يزعل ليش سويت الشي بنفسي يقول انتي مطنشتني مو كأنه هو اللي حدني.. والله يابنات حاسة بقلة قيمة ونفسي لو كان زوجي من جد مغليني وما يحوجني لأحد غيره..