السلام عليكم
تعبت من زوجي وتصرفاته اقعد العصر اجهز القهوة والحلى وابلغة اني انتظرة ع القهوة ولااسف بالاستراحة يكون وانتظرة يجي مايجي الا بعد صلاة العشاء ويكون متقهوي برى بالاستراحة واتقهوى لحالي واطفش من الروتين انا والجدران لان مالله رزقني بااطفال دعواتكم لي بس يجي يتعشاء ع جوالة يقوم للحمام وانتو بكرامة يرجع ياخذ جوالة معاه ومن يتعشاء يطلع للاستراحة ويجي سيدة لغرفة النوم ع الجوال طفشت قلت لة اكثر من مرة اجلس معاي مايجلس ولايسولف اغلب وقتة برى البيت وبالبيت ع الجوال طفشت وللمعلومية انا بمدينة مافيها احد من اهلي او قرايبيني عشان التهي عنه وش اسوي عشان يتغير😭
روحي فداك يارسولنا @rohy_fdak_yarsolna
عضوة نشيطة
يلزم عليك تسجيل الدخول أولًا لكتابة تعليق.
سناره ووصوف
•
الله يسخره لك
شوفي ياعزيزتي تقريبا هذا روتين اغلب الرجال هذا اذا مو كلهم
الاستراحه صارت جزء من حياتهم
بس انتي برمجي نفسك على انك ماتكونين متعلقه فيه ويكون هو المصدر الوحيد لوناستك
حتى لو انك بعيده عن اهلك
تعرفي على جاراتك عشان تتزاوروا العصر
اذا ماعندك جارات
اشتركي بنادي
النادي من افضل الاماكن للتعارف
لاتخلين زوجك يحس انك عاله هو المسؤول حتى عن وناستك
اذا ماحصل لك لا هذا ولا هذا
سوي لك قعده وافتحي السناب وتفرجي على خلق الله وتقهوي وانبسطي
ولا كلمي احد من اهلك او صديقاتك
وكون انه في البيت ع الجوال دائما هذا كل الشعب على الجوال صار الجوال الحين ادمان
وانتي اكيد عروسه جديده مانتي عارفه كيف تسولفي معاه
سولفي بداية الخديث عن اهتماماته يعني عن المواضيع اللي تحسين انها تهمه مثلا رياض اخبار كذا
اذا استرسل بالكلام سولفي سوالف منوعه عاد
واغلب الرجال ترى كلامهم قليل البنات هم اللي يسولفوا وهو مستمع بس
الله يسعدك ويسخر لك
الاستراحه صارت جزء من حياتهم
بس انتي برمجي نفسك على انك ماتكونين متعلقه فيه ويكون هو المصدر الوحيد لوناستك
حتى لو انك بعيده عن اهلك
تعرفي على جاراتك عشان تتزاوروا العصر
اذا ماعندك جارات
اشتركي بنادي
النادي من افضل الاماكن للتعارف
لاتخلين زوجك يحس انك عاله هو المسؤول حتى عن وناستك
اذا ماحصل لك لا هذا ولا هذا
سوي لك قعده وافتحي السناب وتفرجي على خلق الله وتقهوي وانبسطي
ولا كلمي احد من اهلك او صديقاتك
وكون انه في البيت ع الجوال دائما هذا كل الشعب على الجوال صار الجوال الحين ادمان
وانتي اكيد عروسه جديده مانتي عارفه كيف تسولفي معاه
سولفي بداية الخديث عن اهتماماته يعني عن المواضيع اللي تحسين انها تهمه مثلا رياض اخبار كذا
اذا استرسل بالكلام سولفي سوالف منوعه عاد
واغلب الرجال ترى كلامهم قليل البنات هم اللي يسولفوا وهو مستمع بس
الله يسعدك ويسخر لك
الصفحة الأخيرة