زوجگ على ماعودتيه

السلام عليكم


....من زمان كنت اتمنى أني أتزوج كنت رابطه كل شئ بالزواج السعادة والمال والوناسه والفله ووووو وكل شئ
طبعا ماكنت عايشه مثل البنات كنت بس اراقب المتزوجات اش يهرجو اش يلبسو ابي أتعلم

كنت اغلب وقتي مستمعه وهاذا اول مشاكلي حتى مع أهلي ما أسولف لييين سرت مااعرف اسولف
لدرجة ماعندي صديقات أبد.
كثير تقدمو لي بس كان لي مواصفات يكون طويل ووسيم ليييين جاني الرجال اللي ابي بكل مواصفاتي
ومو حابه أقولكم اش صار بفترة خطووبتي لانها كانت أتعس أيام حياتي كانت ساذجه بمعنى الكلمة اسوي اي شئ بس يرضى زوجي لين سيطر علي سيطره تامه والى الحين مسيطر صار لي سنه ونص الرأي رأيه والشور شوره
تعبت يابنات سنه ونص وحياتي جدا ساذجه تخيلو من تزوجه ماشريت ملابس الا ف العيدين وحقت العيد بس بدوون اكسسوارات واحذيه ووو بس الأطقم وملابس أخذتها بعد نفاسي بسس ملابسي اهترت من الغسيل
والبيت للحين ماجبت فيه شئ كثير أشياء ناقصتني ماقدرت أجيبها وحتى لولدي ما اشتري له الا الملابس ابي له هزازه متحركة مفرش العاب يقول مو داعي عاد لما يشوف بنت اخوه بس يمدح فيها لان أمها مهتمه فيها وكل شئ عندها ولما أقوله قد طلبتك كذا يقول هاذي فشخره ومآلها داعي ،، مكياج للحين ماجددته من الزواج و الأشياء تطول لو بعددها

طبعا انا اعترف اني فيني غباء وبطيئت الفهم بس هاذا ابتلاء مالي ذنب فيه

بعطيكم نبذه عن زوجي ،، مرا حريص على الفلوس وما تأخذي منه الا بحيله
وأهله كلامهم يسحر وفيهم حيله مو طبيعيه وللأسف هالشي ينقصني وبكذا كل فلوسه عند أهله
أهله بنات وعيال يحكو كل شئ لبعض وهالشي يقهرني لانه يعلم بكل شئ بيننا
أهله معطينه كل شئ حب وحنان واهتمام ويستمعون له ويحترمونه وطباخ وكشخه يعني عينه ملياانه وبكذا مااقدر اتميز عنهم والا اقدر اعرف نقطت ضعف له حتى الإغراء والجنس مايمشوون معاه

ابي أعود زووجي واسخره لي مو عارفه كيف أبدا ومن وين ومعارفه اش الأشياء اللي اعوده عليها حياتي سااااذجه مايعرف البيت الأوقات النوم والأكل وحتى الأكل أحيانا برا يفضل أهله علي ويفضل أصحابه علي يرتاح عندهم اكثر مني

بنات ادري طولت بالموضووع بس ابي اوضح كل شي لكم الله يسعدكم ساعدوني بنفجرررر والله راح اسوي شئ بنفسي امووووت لما احد يدقني بالكلام او بتلميح أمانه لاتتخلو عني وخذو بيدي وعلموني الصح والخطا