بأبدأ موضوعي بمثل مصري يعجبني وهو
ياأعدين يكفيكو شر القايين ( ياقاعدين يكفيكم شر الجايين)
هذا سلمكم الله زوج اختي من جده نقل وظيفه جديده في الرياض له اكثر من 6 او7 شهور
ومعاه واحد في العمل يقول انه يحتك فيه كثير ويدق له في الكلام عن الزواج وما الزواج وزوج اختي مطنش
الييييييييين امس جاه على بلاطه وقاله
ابغى ازوجك بنتي ايش رايك؟؟؟
زوج اختي رد عليه وقال له شكرا انا متزوج وعندي عيال وماافكر في الزواج
قال خلاص اعطيك بنتي بدون مهر بس عليك ذبيحه بس
زوج اختى صد عنه
رجع قال له خلاص بازوجك اياهاه مسيار هاه وافق
احنا نبغى رجال من المنطقه الغربيه ومواظب في وظيفته
اختي ياحرام مولعه
تقول بالغصب الزواج كل مارده اعطاه عرض غيرمره بدون مهر ومره مسيار والله العالم بكره ايش يعرض عليه
وفعلا ياقاعدين يكفيكو شر الجايين
اللي تقول ليه اختي ماتروح مع زوجها لمقر عمله اقول لها ان اختي على وجه ولاده وجالسه عند اهلي
هذا غير اننا ماعندنا اي قرايب في الرياض